Qəbələ rayon Vəndam qəsəbə sakini Mirvari Paşa qızı Mikayılova Fakt.info saytına hüquqlarının pozulması ilə bağlı şikayət məktubu ünvanlayıb.
Şikayətçinin xahişini nəzərə alaraq Moderator.az da həmin məktubu oxuculara təqdim edirik:
"İpoteka müqaviləsinin etibarsız hesab edilməsi və girov qoyulmuş əmakın yüklülükdən azad edilməsi barədə iddia ərizəsi ilə Qəbələ rayon Məhkəməsinə müraciət etmişdim. İddiamı onunla əsaslandırmışdım ki, ipoteka müqaviləsi ilə girov qoyulmuş əmlak mənim razılığım olmadan girova qoyulmuşdur. Belə ki, razılıq ərizəsindəki imza saxtalaşdırılmışdır.
Birinci növbədə Qəbələ rayon məhkəməsinin 26 aprel 2016-cı il tarixli 2(025)-512/16 №-li qətnaməsi ilə iddiam təmin edilməmişdir. Aydınlıq üçün bildirim ki, birinci Bank bizə qarşı iddia qaldıraraq borcun tutulması və girovlara yönəldilməsi barədə iddia qaldırmışdır. Mən bunlardan gec xəbər tutmuşdum. Mənim iddiamla bağlı məhkəmə əsas kimi göstərmişdi ki, mən Unibankın bizə qarşı iddiasında tərəf olmuşam və orda öz əsaslarımı və tələblərimi verməmişəm. Lakin bu belə olmayıb. Mənim Unibankın iddiası ilə bağlı məhkəmə proseslərindən xəbərim olmayıb. Ümumiyyətlə, mən bu işdən Unibankın bizə qarşı iddiası ilə bağlı Qəbələ rayon Məhkəməsinin 10.09.2015-ci il tarixli qətnaməsindən xəbər tutduqdan sonra bilmişəm. Həmin vaxtı tərəfimdən Qəbələ rayon Məhkəməsinin 10.09.2015-ci il tarixli qətnaməsindən (Bankın borcun evlərə yönəldilməsi tələbinə dair) apellyasiya şikayəti vermişdim. Şikayətimdə mən evin girov qoyulmasından xəbərsiz olduğumu bildirmişdim və bu barədə apellyasiya şikayətində tam dəqiqliklə qeydlərimi aparmışdım. Lakin Şəki Apellyasiya Məhkəməsinin Hakimi Mahir Əsədli elə birinci məhkəmə baxışında 03.12.2015-ci il tarixdə 2(107)-1098/2015 saylı qətnaməsi ilə Qəbələ rayon Məhkəməsinin qətnaməsini qüvvədə saxlamışdır. Mənim bundan xəbərim olmamışdır. Belə ki, həmin qətnamə mənim tərəfimdən qəbul edilməmişdir. Mən dəfələrlə qətnamənin mənə təqdim edilməsini tələb etsəm də mənə guya təkrar göndərilməsi əsası surəti göndərilirdi. Burda mən başa düşdüm ki, Şəki Apellyasiya Məhkməsinin Hakimi Mahir Əsədli Unibankın maraqlarına uyğun qətnamədən şikayət getməməsini istəyirdi. Elə 1-ci məhkəmə baxışı iclasında apellyasiya şikayətimdə dəlillər sübutlar təqdim etməyimə baxmayaraq, qətnaməni elan eləməsi məndə şübhələr yaratmışdır. Elə məhz Mahir Əsədlinin bu qanunsuz hərəkətləri ilə mənim hüquqlarım məhdudlaşdırılmışdır. Qətnamə mənə təqdim edilməmişdir. Sonradan dəfələrlə müraciətimdən sonra (5 müraciətdən sonra) qətnamə mənə verildi. Buna səbəb isə guya mən qəbzə imza etməklə qətnaməni 11.12.2015-ci il tarixdə aldığım göstərilir. Ancaq ordakı imzalar və yazılar mənə məxsus deyil. Özləri kimlərəsə imzaladıb mənim ad familyamı yazıb saxta işlər görməklə bankın maraqlarına xidmət edirlər. Bunla bağlı mən qətnamənin surəti aldıqdan sonra kassasiya şikayəti verdim. Lakin məhkəmə mənim müddəti buraxdığımı əsas gətirərək müddətin bərpasına dair ərizə verməyimi xahiş etdi. Dedim yəqin Mahir Əsədli barəsində səhv fikirdə olmuşam, ola bilsin yanılmışam. Lakin sən demə məqsəd mənim əlimlə Bank tərəfindən hansısa maraqlarla nəsə əldə etmək olub onun niyyəti. Ərizəni verdim və bildirdim ki, orda mənim familyam yazılmasına baxmayaraq mən bu qətnaəni almamışam. Həmçinin əsas kimi bildirdim ki, bu müddət və kassasiya şikayətinin mümükünlüyü ilə bağlı bildirşlərin səhv etmirəmsə 1-ni mən ala bilmişəm, qalanları mənə təqdim edilmədiyindən, mən telefon vasitəsilə proseslərin vaxtını Şəki Apellyasiya məhkəməsinin hakimi Mahir Əsədlinin katibindən öyrənmişəm. Məhkəmə buna da göz yumaraq Mahir Əsədli mənim kassasiya şikayətimi qəbul etmədi və müddəti bərpa eləmədi. Bundan sora mən həmin qərarddada kassasiya şikayəti verdim. Həmin qərardad da baxılması üçün Ali Məhkəmədə İlqar Xələfova düşdü. İlqar Xələfovda (bildirm ki, İlqar Xələfov və Aslan Kalıbalıyev eyni tərkibdədirlər) müddətin bərpasına dair ərizəmi təmin etmədi və bildirdi ki, zalda ayrı iddia qaldırmısız, gedin ona baxsınlar. Yeni açılmış hal kimi buna qiymət verilər. Sən demə, o da bu işin içində olub.
Bunlarla bərabər, paralel olaraq mən Unibanka və qeyrilərinə qarşı əqdin etibarsız hesab edilməsi barədə iddia vermişdim. Qəbələ rayon məhkəməsinin 26 aprel 2016-cı il tarixli 2(025)-512/16 №-li qətnaməsi ilə iddiam təmin edilməmişdir. Mən həmin qətnamədən apellyasiya şikayəti vermişdim.[b] Apellyasiya məhkəməsində hakim Kamil Rəhimov mənim dəfələrlə təkidimdən sonra xəttşünaslıq ekspertizası təyin etmiş və nəticədə ekspert rəyinə əsasən ipotekaya qoyulmasında verilmiş razılıq ərizəsindəki imzanın mənə məxsus olmaması sübuta yetirilmişdir. Bundan sonra məhkəmə iddiamı təmin edərək, Qəbələ rayon məhkəməsinin 26 aprel 2016-cı il tarixli 2(025)-512/16 №-li qətnaməsini ləğv etmiş və mənim iddiamı qismən təmin etmiş və ipoteka müqaviləsini etibarsız hesab etmişdir.
UniBank bununla razılaşmayaraq kassasiya şikayəti vermiş və iş baxılması üçün Aslan Kalıbalıyevə verilmişdir. 25.05.2017-ci il tarixdə məhkəmə Şəki Apellyasiya Məhkəməsinin 2(107)-123/2016 saylı qətnaməsini ləğv etmiş və işi baxılması üçün Şəki Apellyaisya Məhkəməsinə göndəmişdir.
Yuxarıda Aslan Kalıbalıyevin İlqar Xələfovla bir tərkibdə olmasını qeyd etməyim əbəs yerə deyildi. Aslan Kalıbalıyev absurd bir qərar qəbul etməklə məhkəmənin ədalətliliyinə şübhə yatmışdır. Belə ki, açıq aydın mənim apellyasiya, kassasia şikayətlərim, ərizələrim, etirazılarım olmasına və ən əsası ekspert rəyinə əsasən imzamın saxtalaşdırılması sübuta yetirilsə də qətnaməni əsassız ləğv etmişdir. Burda da hakim Aslan Kalıbalıyevin Unibakla hansısa maraqlarının olduğu açıq aydın görünür. Məhkəmə boş-boş yazılarla apellyasiya məhkəməsinin qanuni qətnaməsini ləğv etmişdir. Burada isə ipoteka haqqında qanunun 59-cu maddəsini əsas gətirib. Sonra predusyallığı əsas gətirib. Lakin bunlar hamısı cəfəngiyyatdır.
Mən başa düşə bilmirəm, Aslan Kalıbalıyevin qanunazidd şəxsi fikirləri niyə mənim hüquqlarımı məhdudlaşdırmalıdır? Ona görə də, həm Ali Məhkəmənin Hakimləri Aslan Kalıbalıyev, İlqar Xələfov, Şəki Apellyasiya Məhkəməsinin hakimi Mahir Əsədli barəsində müvafiq tədbirlər görülməli, ölçü götürülməlidir. Niyə göz görə-görə onlar mənim hüquqlarımı tapdamalı və məhdudlaşdırmalıdırlar?! Onlar barəsində tədbirlər görülmədikcə, belə hallar çoxalacaq və məhkəmənin ədalət mühikiməsinin həyata keçirilməsinə xalq arasında şübhə yaradacaq.
Ali Məhkəmənin qərarından sonra, iş baxılması üçün Şəki Apellyasiya Məhkəməsinin hakimi Ələddin Məcidovun icraatına verilmişdir. Həmin iş üzrə 1-ci məhkəmə baxışında yenə də mənim əsaslandığım hallar və mənim pozulmuş hüquqlarımın olmasını bilə-bilə məhkəmə mənim iddiamı rədd etmiş və apellyasiya şikayətimi təmin etməmişdir. Şəki Apellyasiya Məhkəməsinin 11.09.2017-ci il tarixli 2(107)-1819/2017 saylı qətnaməsi ilə iddiam rədd edilmiş və apellyasiya şikayətim təmin edilməməklə Qəbələ rayon Məhkəməsinin 26 aprel 2016-cı il tarixli 2(025)-512/16 №-li qətnaməsi dəyişdirilmədən saxlanmışdır.
Hazırda mən kassasiya şikayətindən əvvəl yeni açılmış hal kimi bu qətnamənin çıxarılması və iddiamın təmin edilməməsi üçün əsas olan Şəki Apellyasiya Məhkəməsinin (Hakimi Mahir Əsədli) 03.12.2015-ci il tarixdə 2(107)-1098/2015 saylı qətnaməsinin ləğv edilməsini işin yenidən məhkəmə baxışına qaytarılması barədə Ali Məhkəmənin Plenumuna müraciət etmişəm. [/u]
Ümid edirəm və inanıram ki, Ali Məhkəmənin hörmətli Sədri mənim ərizəmə ədalətl baxıb və Şəki Apellyasiya Məhkəməsinin qətanməsini ləğv etməklə məhkəmələrin bu qanunsuz hərəkətlərnə son qoyacaq. Mənim son ümid yerim Ali Məhkəmənin sədri cənab Ramiz Rzayevdir.
[/b]
