"Məşhur Hind filmində necə deyirdi: "Elə bilirdiniz Şaka qayıtmayacaq?" Qayıtdı. "Qarabağ"ı deyirəm..." "DİA-AZ" xəbər verir ki, bunu özünün sosial şəbəkə hesabında deputat Fazil Mustafa qeyd edib.
O daha sonra fikrini belə davam etdirir: "Bu oyun başqa məsələ. Artıq komandamızın oyun üslubu yeni oyunçuların ifasında yerinə oturur. Elvin, Bəhlul kimi əsas oyunçuların yoxluğunda belə "Qarabağ"ın sistemi işlədisə, artıq uğurdan danışmaq olar. Söhbət yalnız hesabda deyil. Kontrollu oyun əsasdı. Qeyd edim ki, adına hələ alışmadığım bu qapıçı Koxalskidən bəzi keyfiyyətlərinə görə daha üstün performans göstərir. Əslində dünən "Sabah" da yaxşı futbol oynadı. Bəlkə də beynəlxalq təcrübənin azlığı qalib gəlməyə imkan vermədi. Ancaq Bakıda bu komandanı keçmək mümkündür. İki komandamızın paralel bəyənilən futbol oynaması özü başdanbaşa uğurdur. Qısacası günün şüarı belədir: "Qarabağ" "Sabah"ımızdır, "Sabah"ımız "Qarabağ"dır!.."
