“Xalq səni sevirsə, qısqanclıq da olacaq, paxıllıq da…”
Yenicag.az xəbər verir ki, bu sözləri müğənni Qədir Məmmədov “İncə Səhər” verilişində deyib.
Müğənni sənət aləmindəki paxıllıqlardan danışıb:
“Təkcə mənə aid deyil, istənilən sənət adamı əgər diqqət mərkəzindədirsə, xalq tərəfindən sevilirsə, mahnıları dillər əzbəridirsə, istər-istəməz ona qarşı qısqanclıq olacaq. Bu, o deməkdir ki, varsan. Mən əslində buna sevinirəm. Demək mahnılarım sevilir, xalqın sevgisini qazanmışam ki, başqaları qısqanır. Yox, əgər sənin mahnıların xalq tərəfindən sevilmirsə, heç sənə qarşı qısqanclıq da olmayacaq, paxıllıq da. Demək ki, sən heç kimə lazım da deyilsən. Güclü sənətin qarşısını heç kim kəsə bilməz”.
