RUSİYANIN DEV ADAMININ BİLİNMƏYƏN TƏRƏFİ
Son vaxtlar keçmiş Sovet məkanlarında baş verən qətllərin sayı artmaqdadır. Qətllər artdıqca Susqunluq daha da çoxalır. Bu yerdə Rusiya müxalifətçisi Jirinovskinin söylədiyi sözlər yada düşür. O deyir, “Əgər adam öldürmək istəyirsənsə gəl Rusiyada öldür. Onsuzda səni həbs edən olmayacaq” Çoxları deyə bilər ki, Jirinovski seçkilərdə seçilmədiyi üçün bu cür sözləri işlədir. Bəlkə elədir, amma, əxlaq prinsipi nəzərə alınsa Jirinovski əxlaqdan xəstə birisidir. Rusiyada media düşməni olaraq tanınan Jirinovski bəzən efirlərdə də iyrənc hərəkətlərə yol verir. Misal olaraq, televiziyaların birində jurnalist-aparıcının üzünə stəkan dolu su atıb, sonra isə heç nə olmamış kimi dodaqaltı gülmsəməsi buna sübutdur. Hal-hazırda sivil olaraq böyük demokratiya qanunlarına sahib olan ölkələr indiki Rusiyanı Xaos və Skandal ölkə kimi tanıyır. Media və Azad seçkinin özbaşına zorakılığa məruz qalmağına Rusiya kimi ölkədə heç kəs buna inanmaq istəmir. Qol zoru ilə gücü yetdiyi ölkələri öz qanadları altında nəzarətdə saxlayan Rusiya, həm özünə həm də ki, qanadındakı ölkələrə ziyandan başqa heç bir xeyir gətirmir. Belə ki, Rusiyada istənilən mövzuda baş verən qətl eyni mövzu ilə qanadaltı ölkələrdə də baş verir. Ölkədə istənilən müəssisədə və ən əsas da Media və Azad seçkinin silah gücünə susdurulması gələcəyə uçurum təhlükəsi kimi fikir yaradır. İdarəedici ölkələrin Rusiyanı qətllərlə bağlı qara siyahıya almaları Şimal Ölkəsini hələ də ayıltmayıb. 2000-ci ildə Almaniyada keçirilən “Media qələmi” adlı kompaniyada Rus mediası yer ala bilməyib. Rus ölkəsində media ilə əlaqəli baş verən qətllər bundan sonra lap çox mənfi hal kimi rusun başına qaxılacaq. Yeddi ildən-bir, bir araya toplaşan “Media qələmi” sahibləri ikinci toplanışlarını 2007-ci ildə Berlin şəhərində keçiriblər. Əsas sübut kimi Rusiyada media qətlləri göstərilirdi. 2000-ci ildən Şimal ölkəsində bu günə qədər 167 jurnalistin öldürülməsi demokratik ölkələrdə vəhşilik və qəddarlıq kimi qarşılandı. Günü-gündən öldürülmüş jurnalistlərin artan siyahısına nə Rusiya nə də ki avropa ölkələri Dur deyirdi. 2006-cı ilin oktyabr ayında, Almaniya sədrliyi ilə üzv olan ölkələr axırki ayağa qalxdılar. Rusiyaya qarşı şüar olaraq, “ya Hesabat ver, ya da Dur” deyə çıxışlar etdilər.
Bir yandan baxanda Rusiyanı da qınamaq olmur. Çünki, iri mafiyaların dövlətə qeyri-qanuni nəzarət etmə prinsipi, İtaliyadan sonra ikinci ölkə olaraq, Rusiyada göstərilir. Belə ki, ölkəsində baş verən kriminal hadisələrin qarşısını almaq Dövlətin tam səlahiyyətində deyil. Buna sübut olaraq, Rusiyada ən sonuncu jurnalist Anna Stepanovna Politkovskayanın 07 oktyabr 2006-cı ildə faciəvi qətli Rusiya xalqının etirazına səbəb oldu. Bir sıra media orqanları Annanın öldürülməsinin Putinin ad gününə ən dəyərli hədiyyə olduğunu bildirdilər, digər media orqanlar isə Rusiyanın demokratik qanunlar cəlladı olması haqqında yazıları dərc edildi.
Əgər Rusiya bu işə ciddi yanaşsa onda anlayar ki, doğurdan da, zarafat deyil 167-ci jurnalistin öldürülməsi millətçi Oktyabirstlərin hay-harayına gətirib çıxardacaq.
Ən əsas da Anna S.Politkovskayanın qətl edilməsi böyük səs küy yaradıb. Qətlindən Beş ildir vaxt keçməsinə baxmayaraq, jurnalistin bu gündə peşakar fəaliyyəti nəzər nöqtəsindədirsə, demək, Rusiya qətlin aşkara çıxması barədə xeyli iş görməlidir. Yoxsa Şimal ölkəsinin hər qarışında haqq-ədalət tələb edən qatillər çoxalıb milyonlara çevriləcək. Rusiya bilməli idi ki, öldürülən jurnalist “sahibsiz” jurnalistlərdən deyildi. Qətlinə əmr verdiyi jurnalist, bütünlükdə Çeçen və Azərilərin mənafeyini müdafiə edən, bu iki xalqın mədəniyyətlərini yüksək qiymətləndirən “Azadlığın inqilabçısı” ləqəbli Anna idi. O, 30 avqust 1958-ci ildə ABŞ-ın Nyu-York şəhərində anadan olub. “Novaya qazeta” qəzetinin baş redaktoru Dmitri Muratovun müammalı qətli Annanı daha da radikal etmişdi. O artıq ürəyində saxladığı bəzi gizli məqamları gizlətməyərək açıq-aydın yazmağa başlayırdı. Çeçen-rus savaşında jurnalist kimi fəaliyyətə başladığı gündən müharibənin gerçək üzlərindən yazırdı. Bu isə Rusiya hökümətini çox qıcıqlandırırdı. Anna rus-çeçen savaşını xatırlayaraq müsahibəsində bildirir: Bilirsiniz, mən ilk dəfə insan taleyində yeni sözlər eşitdim: Cihad, Mücahidlər, Şəhidlər, Hər şey torpaq üçün, Vətən sağolsun. Çox qəribə insanlar idi. Namaz qılmaq üçün sıra ilə növbədə dayanırdılar. Saqqalları uzun, amma, kirli də deyildilər. Mən müsahibə alanda müsahibəni ümidlə verirdilər. Heç kim demədi ki, axı, sən russan, bizim əleyhimizə yazacaqsan, rədd ol buradan. Məni yola salanda isə Allah Səni qorusun dedilər. Məni dua edərək yola saldılar. Sonradan araşdırmalar apardım. İlk növbədə Çeçen tarixindən başladım. Şamil Basayevin haqqında rus dilinə tərcümə xronologiyalar əldə etdim. Şamil Basayevin gözəl bir sözü indiyənə kimi yadımdan çıxmayıb. “Çeçensənsə demək qorxmursan. Əsgərsənsə demək Çeçensən.” Çeçenistanın maraqlı ideyaları olub. Əgər ideya sağlam ideyadırsa onda inqilabçı mütləq yetişəcək. Anna bir vaxt yazılarında yazırdı ki, Rusiya Qafqaza ağalıq etməlidir. Çenen-rus savaşının canlı şahidlərindən olandan sonra Politkovskaya qələmində millətçi ruhu daha da gücləndirdi. O ölkənin elitar qəzetlərində bütöv Qafqazın tarixi haqqında yazılarını dərc etdirdi. Şimal kompuralizminə qarşı yönəlmiş yazısında Anna qara hərflərlə bu sözləri dərc etdirir: Nəinki Rusiya heç kim Qafqaza ağalıq etməli deyil. Qafqaz özlüyündə bir Azaddır. 1988-ci illərdə Azərbaycanda közü çoxdandan qığılcımlanmış atəş yanmağa başlayır. 1920-ci ildən bu günə kimi Azadlıq deyən Azərilər təbii ki, nə zamansa Azad olmalı idi. Dünyaya bağırdılar. Amma səslərinə 1988-ci ildə hay verdilər. Siz bəlkə tanımırsınız, “Elçibəy” adlı Azəri şəxsiyyəti olub. Çətində olsa “Xalqın cəbhəsini” yaratmaq yolunda çox işlər görüb. Türk dünyasını tam olaraq bilmirəm, amma, Türk dünyasından çox oxumuşam. Onu deyə bilərəm ki, O, Türk dünyasını birləşdirdi. İstər Şamil Basayev, istər Əbülfəz Elçibəy artıq bu gün yoxdurlar. Hər kəs rahatdır....
Son gündəmlərdə “Putinlə Annanın qalmaqalı” deyə söhbət fırlanır. Onu deyə bilərəm ki, mən sadəcə jurnalistəm, o isə .... özünüz bilirsiniz.
07 oktyabr 2006-cı ildə Politkovskayanın faciəli qətlindən sonra Rusiyada Annanın qətlini sifariş verən diktafon yazı ortaya çıxır. Rus mətbuatının yazdıqlarına görə, diktofonda Rusiyanın baş naziri Vladimr Putin Qatilə Politkovskayanın ölümünü sifariş edir. Qatil isə V. Putinə ad günü münasibətilə hədiyyə kimi Anna Politkovskayanın ölüm sifarişinin yerinə yetirildiyini deyir və onu təbrik edir.
Bəlkə də Putini qəbul etməyən qüvvələrin ona qarşı olan hiylələridir. Ancaq, yaxından gələn seçkilərə kimi Putin xalqın eitrazlarını dayandırmaq üçün Anna Politkovskayanın qatilinin kim oldğunu tapmasa itirəcəyi çox şey olacaq. Real nazirlik vəzifəsini istirahət hesab edən Putin, həm nazirliyə, həm də xəyallarda yaratdığı yeni prezidentlik xülyalarına əlvida deyəcək. Putin Daha Vodka ilə Rus Xalqını aldada bilməyəcək.
