"Nepotizm!? Niyə #NobeloilLTD? SOCAR AQŞ rəhbəri Samir Mollayev uzun müddətdir ki, ölkənin əmək qanunvericiliyinin müvafiq maddələrini mütamadi olaraq pozur, ancaq cəzasız qalr . Səbəbini isə özü, müvafiq qurumlar və şəxslər bilir..." "DİA-AZ" xəbər verir ki, bunu özünün sosial şəbəkə hesabında paylaşan Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı eyni zamanda işçilərdən birinin açıqladığı ilginc faktları da ictimailəşdirib.
Beləliklə işçi yazır:
"SOCAR AQŞ şirkətinin əməkdaşları adından sizə yazıram. İllərdir davam edən eyni problem. İyun-iyul ayının maaşı hələ də verilməyib, hamı pis vəziyyətdədir. Anam bir aydır xəstədir həkimə apara bilmirəm, borc almağa da yer qalmayıb, maaşın köçməsini gözləyirəm, bizə bu çətinliyi yaradanlar, özləri çətinlik qarşısında qalmaylb deyə bizim nələr çəkdiyimizi bilə bilməzlər. Mənim kimi problemi olan çoxlu sayda işçi var. Nə vaxta kimi belə davam edəcək?
Xahiş edirik bizim şikayətimizi aidiyyəti qurumlara çatdırasınız..."
Bunun ardından NHMT sədri SOCAR AQŞ-nin sdərinə müraciət edərək yazır: "Cənab Mollayev, işçinin yazdıqları düzdürsə, bu halda siz ölkənin əmək qanunvericiliyinin aşağıda qeyd olunan maddələrini pozduğunuz üçün müvafiq qurumlar tərəfindən cəzalanmalısınız.
ARƏM maddə 310. -da yazılıb ki, rəhbər işçilər , bu Məcəllə ilə müəyyən olunmuş hüquqları pozmağa görə qanunvericiliklə müəyyən edilmiş qaydada maddi, intizam, inzibati və cinayət məsuliyyəti daşıyırlar.Azərbaycan Respublikası Əmək Məcəlləsinin 172. 5-ci maddəsi: Əmək haqqının verilməsi işəgötürənin təqsiri üzündən gecikdirildikdə, bu hal fərdi əmək mübahisəsi yaratmayıbsa, hər gecikdirilmiş gün üçün işçiyə onun əmək haqqnln azı bir faizi məbləğində ödənc verilməlidir.Azərbaycan Respublikası Əmək Məcəlləsinin 178.1-ci maddəsi: İşəgötürənin maliyyə vəziyyətindən asılı olmayaraq işçiyə onun gördüyü işin müqabilində müəyyən edilmiş əmək haqqını bu Məcəllənin 172-ci maddəsi ilə müəyyən edilmiş müddətlərdə ödəməyə borcludur. İşçiyə aylıq əmək haqqının ödənilməməsində təqsirkar olan işəgötürən qanunvericilikdə nəzərdə tutulan qaydada müvafiq məsuliyyətə cəlb edilməlidir..."
