. "Deyəsən, başına qara torba keçirilən digər icra başçılarının aqibəti Binəqədinin icra başçısı postunu tutan Elxan Allahverdiyev üçün dərs olmur. Ona görə də o, özbaşınalığına davam edir. Həm də çəkinmədən..." Bu sözlər "DİA-AZ"a daxil olan bir qrup Binəqədi sakinlərinin müraciətində yer alıb.

Narazı vətəndaşlar daha sonra bildirir: "Elxan Allahverdiyev o qədər ədalətsiz adamdır ki, bu gün onun işçiləri məhz "tapşırıq başçıdan gəlib" deyərək camaatın evini yıxır, başqasının torpağını mənimsəyir. Kimə, hara şikayət etsək də xeyri yoxdur.

"Qara maskalılar" burdan basa-basa Qax rayonuna gedincə, elə gərək birinci Bakı üçün ÜZ QARASI sayıla biləcək Binəqədiyə bir çarə edəydilər.

Konkret olaraq hazırda Binəqədidə icra nümayəndəsi vəzifəsini tutan Qadir Məmmədovu həbs etmək yetərlidir. Elxan Allahverdiyev bütün qara işləri onun əli ilə həyata keçirir. Məhz Qadir başçının adı altında camaatın torpağına əl qoyur, vətəndaşın evini yıxır.

Biz Binəqədi sakinləri artıq yorulmuşuq və dövləti idarə edənlərdən Elxan Allahverdiyev və onun quldurları ilə bağlı tədbir görülməsini xahiş edirik ".