"Ceyhun Cəlilov gəldiyi gündən sanki şəhid ailələrinə qarşı qərəz aparır. Etmədiyi pisliklər qalmayıb..." "DİA-AZ" xəbər verir ki, bu barədə Naxçıvandan Hakim Əliyev adlı sakinin gileyində qeyd olunur.
Narazı vətəndaş daha sonra yazır: "O, Naxçıvana pul yığmaq üçün gəlib. Şəhid uşaqları məktəbə soyuqdan dona-dona gedir, amma Cəlilovun və onun ətrafının uşaqları "AA" seriyalı maşınlarda. Hətta dövlətin puluna hərəkətdə olan bu maşınlar dayandıqları zaman belə benzinə qənaət etmirlər ki, birdən nazirlərin, onların yaxınlarının uşaqları üşüyər...
Naxçıvanda vəziyyət olduqca acınacaqlıdır... Mətbuatda kimdən yazırlarsa, həmin adamın vəzifəsini böyüdürlər...
"Maliyyə Həsən"ə qarşı faktlar açıqlandı, onun vəzifəsini böyütdülər..."
Qeyd edək ki, müraciət müəllifi digər məmurlarla bağlı ağır ittihamlar səsləndirir və onların da cəzalandırılmaq əvəzinə vəzifələrinin böyüdüldüynü bildirir.
Narazı vətəndaş daha sonra ölkə rəhbərliyinə ümidli olduğunu qeyd edərək, Naxçıvana ciddi nəzarət ediləcəyinə inandığını da vurğulayıb.
