Bu ilin ilk 10 ayı ərzində Azərbaycana xarici ölkələrdən 547,23 ton sarıkök idxal edilib.
Yeniavaz.com açıqlanan rəsmi məlumatlara istinadən xəbər verir ki, idxal olunan sarıkökün 1 kiloqramının orta gömrük dəyəri 1,8 dollar (3 manat) olub.
Qeyd edək ki, idxal olunan sarıkökün 99 faizi iki ölkədən – Hindistan və İrandan gətirilib. Hindistandan 327,8 ton sarıkök idxal olunub və 1 kiloqramının orta gömrük dəyəri 1,95 dollar (3,3 manat) olub. İrandan isə 213,1 ton sarıkök idxal olunub və 1 kiloqramının orta gömrük dəyəri 1,35 dollar (2,3 manat) olub.
Onu da qeyd edək ki, xaricdən idxal olunan sarıkökün 1 kiloqramının orta satış qiyməti marketlərdə 30 manatdan baha satılır.
Açıqlanan rəqəmlərdən də göründüyü kimi, idxal olunan sarıkök marketlərdə gömrük dəyərindən (ölkəyə daxil olma qiyməti) 10 dəfə baha qiymətə satılır.