Xəbər verildiyi kimi, dünən Prezident Administrasiyasının və Milli Elmlər Akademiyasının sabiq rəhbəri Ramiz Mehdiyevin Azərbaycanda dövlət çevrilişi həyata keçirmək istəyi ilə bağlı Rusiyanın müəyyən strukturlarının rəhbərlərinə göndərdiyi məktub yayılıb. 

"DİA-AZ" xatırladır ki, sözügedən məktubun mediada tirajlanan mətnində hakimiyyətin 3 qolunun - qanunvericilik, icra, məhkəmə - fəaliyyətinə nəzarəti cəmiyyətdə nüfuza malik olan 50 üzvdən - təcrübəli dövlət məmurları, iqtisadçılar, hüquqşünaslar, elm və mədəniyyət xadimləri - ibarət Dövlət Şurasının həyata keçirəcəyi qeyd edilir. "Dövlət Şurası" üzvlərinin ümumxalq səsverməsi nəticəsində formalaşdırılacağı və "qurum"a "Dövlət Şurası" sədrinin rəhbərlik edəcəyi bildirilir.

Hazırda ən çox müzakirə olunan məsələ sözügedən "Dövlət Şurası"nın tərkibində olması nəzərdə tutulan 50 şəxsin kimliyidir. Yerli KİV R.Mehdiyevin məktubunda sözügedən 50 nəfərlik "Dövlət Şurası üzvləri" arasında AXCP və Müsavat partiyalarının rəhbərliyində təmsil olunan şəxslərin adlarının da olduğu haqda mənbələrə istinadla məlumat yayıb.
Həmin siyahı dəqiqləşdirilir. Yaxın vaxtlarda siyahı təqdim olunacaq...

"DİA-AZ" bildirir ki, amma burada diqqətçəkən digər məqamlar da var. Məsələn gələn xəbərlər içində iddia olunur ki, Ramiz Mehdiyev özünə hətta hökumət də qurubmuş. Bu barədə danışan mənbə deyir:

"Ramiz Mehdiyevin təhlükəli "evcik-evcik" oyununda hökumətdə yer alacaq ilginc fiqurlar var ki, onlardan bəziuləri indi də vəzifə başındadırlar. Məsələn, keçmiş maliyyə naziri, hazırda baş nazirin müavini postunu tutan Samir Şərifov Ramiz Mehdiyevin komandasında baş nazir kimi qeyd olunubmuş... Yəqin ki, zamanı yetişəndə bu fakt üzrə də ciddi tədbirlər görüləcək..."