Xatırladaq ki, mayın 28-də Muay Tay Federasiyasının prezidenti, 9 qat dünya çempionu Araz Musayev Antalyada bıçaqlanmışdı. Hadisə Türkiyənin Antalya bölgəsində baş verib. Hadisə ilə bağlı yayılan videoda Araz Musayevə ətrafdakı şəxslər tərəfindən yardım edildiyi görünür. Araz Musayevi bıçaqlayan və əlbir olan şəxslərin həbs olunduğu barədə də məlumat vermişdik. Araz Musayev bıçaqlanmazdan əvvəl paylaşdığı statuslarda Gənclər və İdman Nazirliyinin şöbə müdiri Elnur Məmmədovu ittiham edib. A. Musayev bildirib ki, E. Məmmədov muay-tay idmançılarının qarşısını kəsməyə çalışır. Hətta Araz Musayev qeyd edib ki, Elnur Məmmədov onun üzərinə bir qrup şəxs göndərib.

"DİA-AZ" onu da əlavə edir ki, A.Musayev təkcə Elnur Məmmədovu yox, eyni zamanda Suraxanı rayonu icra hakimiyyətinin başçısı Adil Əliyevi də özünə qarşı törədilmiş sui-qəsdin maraqlı tərəfi kimi təqdim edib. Hələlik bu cinayət faktını Türkiyə polisi araşdırır. Bakıda bununla bağlı cinayət işi açılacaqmı? Açılacaqsa, Elnur Məmmədovun və Adil Əliyevin istintaqa cəlb olunması mümkündürmü? Bu suallara zamanla cavab tapacağıq.