"Naxçıvanda camaata hansısa şəraiti yaratmaq lazım deyil. Sadəcvə olaraq camaata imkan verin dolansın, ya da mane olmayın..." Bu sözlər "DİA-AZ"a Naxçıvan Muxtar Respublikası sakinləri adından edilən müraciətdə yer alıb.
Narazı sakinlər yazır: "Bu gün Fuad Nəcəfli Naxçıvanın anasını elə ağladır ki, Vasif Talıbovdan sonra geri qayıdanlar da əbədiyyən dabanlarına t6üpürüb MR-nı birdəfəlik tərk edirlər. Əgər etməyə halları qalırsa... Fuad Nəcəfli Naxçıvana geri dönüş edən sahibkarların hamısının dizini yerə gətirib.
Sıravi camaatın isə günü daha da bərbaddır. Bu gün Naxçıvanda iş yerləri demək olar ki, yox dərəcəsindədir. Olanlar isə elə aşağı maaşdır ki, heç kimsə qapısındakı nökərə də o qədər pul verib işlətmir.
Qəribədir niyə Naxçıvanda iş yerləri açılmır və açılanda da qul-kölə maaşı təklif olunur. Elə bil bu bizim alnımıza yazılıb. Bunlar nə etmək istəyirlər? Onsuz da Naxçıvanda maaş yoxdur əvvəldən belə bir tarixi deyim var idi... Hələ Socet dövründə deyirdilər ki, məsələn o zamankı PMK-larda erməniyə 1200 manat maaş verirdilər, bizimkilərə 200... İndi də Türkiyə kürdlərinə 3500 manat maaş verirlər, özümüzə 250...
Belə şəraitdə hansı naxçıvanlı evində oturar ki?
Fuad Nəcəflinin məqsədi Naxçıvanı boşaltmaqdırsa, onu təbrik etmək olar... Artıq Naxçıvan əhalisinin tən yarısı MR-nı tərk edib..."
