Bir kisə təzə müqayisəli rəqəmlər verim sizə, hər kəs ağlında emal etsin.

Azərbaycan və Ermənistan əhali baxımından son 100 ildə oxşar şoklar yaşadığı üçün, doğum sayının dalğaları da adətən üst-üstə düşüb. Amma son 10 ildə vəziyyət dəyişib.

2016-2020'ci illərdə Ermənistanda orta hesbla ildə 37,5 min uşaq doğulurdusa, 2021-2025'də orda ildə 35 min uşaq doğulub. Düşmə 6 faiz təşkil edib. Bizdə isə doğum sayı ildə 142 mindən 109 minə düşüb. Yəni 23 faiz düşmə var.

6 faiz hara, 23 faiz hara? Hələ qonşu Gürcüstanda da doğumdakı azalma bizdəkindən 5 faiz daha yaxşı vəziyyətdədir.

Ermənistan parlamentindəki 12 komitədən 8'nin sədri hakim partiyadandır. 3 komitə sədrliyi müxalifət partiyalarından birində, 1 komitə sədrliyi isə digərindədir.

Paşinyanın qurduğu siyasi sistem demokratiklikdən çox-çox uzaqdır. Orası aydındır. Bu barədə mübahisə açmağın yeri də yoxdur. Amma məni Ermənistan yox, bəlli standartlardan özümüzün ildən-ilə daha da uzaq düşməyimiz maraqlandırır: görəsən İrəvandakı parlamentdə müxalifətin bizdəkindən qat-qat yaxşı institusional təmsilçiliyi ilə qonşumuzun digər göstəriciləri arasında əlaqə və asılılıq varmı?

Son 250 ilin siyasi iqtisad ədəbiyyatı "bəli, var" deyər. Amma görünür Azərbaycan Elmlər Akademiyası siyasi iqtisadda nə isə başqa bir böyük kəşf edib. O sirli kəşfi hökumətə açıb, bizdən isə gizli saxlayır.

Nəticədə, indi hökumət əmindir ki, Azərbaycanın geriləməsi heç də bizdə, müqayisədə, demokratik təmsilçiliyin zəifliyi ilə əlaqəli deyil. Beləliklə:

Ermənistanda iqtisadi artım: bizdəkindən 5 dəfə yüksək.

Ermənistanda orta maaş: bizdəkindən 25 faiz çox.

Ermənistan banklarında adambaşına pul: bizdəkindən 3 dəfə çox.

Ermənistanda uşaqpulu (məlumatın mənbəyinə keçid şərhdə):

- 2 yaşınadək uşağa qulluq müavinəti: ayda 174 AZN şəhərdə, ayda 320 AZN kənddə

- doğulan üçüncü uşağa müavinət: ayda 230 AZN

- birdəfəlik analıq müavinəti: azı 800 AZN və ya işləyən ananın aylıq maaşı əsasında hesablanır

- doğulan hər uşağa birdəfəlik müavinət: 2300 AZN

- ipoteka krediti olan ailənin uşağına əlavə birdəfəlik dəstək 2300 – 9000 AZN