ABŞ Prezidenti Donald Tramp administrasiyasına İranla danışıqları dayandırmağı əmr edib.
"Report" xəbər verir ki, bu barədə CNN ABŞ rəsmisinə istinadən məlumat yayıb.
Məlumata görə, Vaşinqton siyasi tərəfdaşlarını kursun dəyişməsi barədə məlumatlandırıb - "İranı mümkün qədər tez əzmək" strategiyası İslam Respublikasını tədricən "boğmaq" yanaşması ilə əvəz olunub.
CNN vurğulayıb ki, Tramp əvvəllər dəfələrlə danışıqların yaxşı irəlilədiyini və tezliklə yeni razılaşmanın əldə ediləcəyini bildirsə də, dövlət başçısı indi İran cəbhəsində diplomatik fəallığın tamamilə olmadığını bəyan edir.
Teleşirkətin mənbələrinin məlumatına görə, Tramp kürəkəni Cared Kuşner, vitse-prezident Cey Di Vens və xüsusi elçi Stiv Uitkoffdan ibarət danışıqlar qrupuna Tehranla bütün qarşılıqlı əlaqələri dayandırmağı əmr edib. Qərar İran tərəfi ilə müsbət danışıqlardan sonra verilsə də, CNN mənbələri aydınlaşdırıb ki, ABŞ lideri Tehranın tələblərini yerinə yetirməkdən imtina etməsindən məyusdur.
