Xəbər verdiyimiz kimi, Cənubi Qafqaz ölkələri arasında ən az turist qəbul edən ölkə Azərbaycan olub.
Yeniavaz.com açıqlanan rəsmi məlumatlara istinadən xəbər verir ki, bu ilin ilk altı ayında hər 100 nəfərə düşən turist sayı Gürcüstanda 61, Ermənistanda 35, Azərbaycanda isə 11 olub.
Qeyd edək ki, bu ilin yanvar-iyun aylarında Azərbaycana turizm məqsədilə 723 min 222 nəfər əcnəbi səfər edib və bu göstərici ötən ilin eyni dövrü ilə müqayisədə 14,2% və ya 119 min 244 nəfər az olub.
Əcnəbi turistlərin Azərbaycanda xərclədikləri vəsaitin məbləği də ötən ilin eyni dövrü ilə müqayisədə bu ilin ilk yarısında 21% və ya 322 milyon manat azalıb.
Məlumat üçün bildirək ki, Azərbaycana daha çox əcnəbi turistin cəlb edilməsi məqsədilə Dövlət Turizm Agentliyi hər il milyonlarla manat vəsait xərcləyir. Bu ilin əvvəlindən indiyədək Dövlət Turizm Agentliyi ümumi dəyəri 11 milyon 348 min manat olan 39 tender müsabiqəsinə yekun vurub.