“Soy” prodakşının rəhbəri Oqtay Əliyevin vəfatından 2 il ötür.
Axşam.az xəbər verir ki, mərhumun həyat yoldaşı, Əməkdar artist Dilarə Əliyeva onunla bağlı paylaşım edib.
“O gün biz yazı qarşılayırdıq, amma gələn yaz yox, yas imiş... Gedişin sükutun ən ağır forması idi. Heç bir söz, təsəlli sənin yerini doldura bilmədi. İki ildir qapılar sənin yoxluğunu açır, pəncərələr isə üzümə sənsizliyin soyuğunu vurur.
Sən getdin... Amma sənin baxışların hələ də gözlərimin dərinliyində yaşayır, səsin yuxularımın pıçıltısına çevrilib. Bəzən elə bil yanımda oturursan heç nə demədən, sadəcə baxırsan...
Səni unutmadım, unutmaram da. Çünki sevgi sadəcə həyatda yox, ölümdən sonra da yaşayar.
Səni mənə verən Tanrıya minnətdaram, səni məndən alan qismətə isə hələ də susuram... Bu isə sənin bizimlə sonuncu bayramın, sonuncu görüntülərindir... Yerin behişt olsun! Sənin yoxluğuna dözən Dilarən”.
Qeyd edək ki, Oqtay Əliyev 22 mart 2023-cü ildə 54 yaşında yol qəzasında dünyasını dəyişib. Cütlüyün iki qız övladı var.
VİDEO BURADA:
https://ok.ru/video/9560563714772
