" "Kapital Bank" (indiki adı Bir bank) və "PASHA Bank"dan şikayətim var..." "DİA-AZ" xəbər verir ki, bu barədə"Müştəriyəm Şikayətim Var" sosial qrupundakı paylaşımında Zəhra Qasımzadə adlı istifadəçi gileylənir.

Narazı vətəndaş daha sonra bildirir: "İyulun 17-si Paşa Bankın ATM-indən Kapital bank kartıma 100 dollar mədaxil etmək istədim. Amma əməliyyat baş tutmadı və əsginas bankomatda sıxışıb qaldı.
İyulun 17-18-21i daxil olmaqla 3 iş gününə *saatlarla* danışıqdan sonra aydınlaşdı ki məsələyə hansı bank baxmalıdır, sanki ölkədə başına belə bir hadisə gələn ilk və tək insanam.
Nə isə, məlum oldu ki, məsələyə Kapital Bank baxmalıdır. 5 iş günü həll olunmalı olan məsələ hələ də qalır. 
Üstündən 6-7 həftə keçib, bu gün zəng eləmişəm Kapital Banka və mənə indi yenə deyirlər ki məbləğ bizim bankomatda qalmadığı üçün sizə köməklik göstərə bilmirik. 
İndi sual: 7 həftədir bu sorğu barəsində nə iş görülür?! 
Niyə indi deyilir ki buna Paşa Bank baxmalıdır?
Bəs Pasha Bank niyə deyir ki buna biz yox Kapital baxmalıdır?!
Niyə "call center" əməkdaşları prosedurlar barədə məlumatlı deyillər? Niyə bununla məşğul olan şöbə 7 həftədir heç bir iş görmür?
Suallar… suallar…
O məbləğin yarısını elə bankdakı "call center" əməkdaşları ilə danışaraq xərcləmişəm…
Sorğu kodum: 5821683..."