Gədəbəy rayonu, Arıqdam kənd sakini İsgəndərov Şadman Musa oğlu tərəfindən Hurriyyet.az saytının redaksiyasına şikayət məktubu daxil olub. Ş.İsgəndərov “Azərqaz” əməkdaşının "özbaşınalığından" şikayət edir:
“Mən, İsgəndərov Şadman Musa oğlu, bildirirəm ki, kəndimizdə qaza nəzarət edən Abdullayev Nizami Musa oğlu mənim və ailəmin xəbəri olmadan, evə gələn qaz xəttini bağlayıb.
Hər ay ödənişlərimi edirəm. Biraz borcum qalıb, bu səbəbdən də gəlib qazı kəsib.
"Azərqaz"ın qaynar xətti ilə danışıram, deyir xəbərimiz yoxdur. Qaz idarəsinə zəng vururam, onlar da deyir ki, xəbərimiz yoxdur.
Ay ərzində 100, 150, 50 manat həcmində ödəmələr etmişəm.
Keçən il həmin Abdullayev Nizami Musa oğluna 108 manat pul vermişdim. Lakin pulumu ödəməmişdir. Bu səbəbdən də adamı polisə verdim. Polis heç bir tədbir görmədi. O vaxt, bu vaxt gedib-gəlib, mənim qazımı kəsməklə məşğuldur.
Prokurorluğa kimi məktub yazıb göndərmişəm. Regional idaərinin rəisinin qəbulunda olmuşam. 10-15 günə smart tipli sayğacla təmin edəcəklərini bildirdi. Amma icra olunmadı.
Keçən ilin may ayından evimdə qaz yoxdur. Qış gəlir, ailəmi fikirləşən yoxdur.
Özüm ikinci qrup əliləm. Yoldaşım ağır şəkər xəstəsidir. Qaz xətti kəsiləndən sonra telefon nömrəmə çoxsaylı mesaj gəlib. Bildirilir ki, 5 gün müddətində pulu ödəməsəniz, qaz təchizatınız dayandırılacaq. Mesaj qaz kəsiləndən sonra gəlib. Hara zəng vururam, deyirlər xəbərimiz yoxdur.
Abdullayev Nizami Musa oğlu qərəzli şəkildə evimi qazsız qoyub. Rəhbərlik isə bu adamın qanunsuz hərəkətinə göz yumur.
“Azərqaz” rəhbərliyindən xahiş edirəm, bu şikayətimə biganə yanaşılmasın."
