
"Cəzasızlar! Arxalı şirkət rəhbəri Samir Mollayev və qurumun benefisiar (əsl) sahibi mütamadi olaraq ölkənin Əmək qanunvericiliyini pozur və cəzasız qalır. Müvafiq qurumlar isə susur... Bunun səbəbi nədir?" "DİA-AZ" xəbər verir ki, bunu öz etirazında tanınmış hüquq müdafiəçisi, "Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı qeyd edib.
İki aydan artıqdır ki, əmək haqqısını ala bilməyən işçilərdən birinə istinadla M.Qəhrəmanlı fəhlənin dərdini anladır:
"Sizə SOCAR AQS şirkətində uzun müddətdir davam edən qayda pozuntusu haqqında məlumat vermək istəyirəm.
Bəlkə də bunun kimi məktublar sizə çox ünvanlanıb. Amma artıq çıxılmaz vəziyyətdəyik.
Ömrüm boyu borc etməyən biri olaraq, hamıya borcum var. Maaşlarımız verilmir. Soruşduqda isə "bizim məlumatımız yoxdur, gələn həftə olma ehtimalı var".
✅Evdə yeməyə heç nəyim yoxdur.
Makaron-makaron deyirik, makaron 2 manat... qatıq 2 manat olub.
Artıq buna belə imkanım çatmır. Çox xahiş edirəm... çıxış yolu göstərin bizlərə..."