"DİA-AZ"ın “Reuters”ə istinadən məlumatına görə, ABŞ və Avropa ölkələri Ukraynanın təhlükəsizliyini təmin etmək üçün “hərbi hərəkat” variantlarını hazırlayıb.
Ən çox üzərində durulan əsas variant Avropa qoşunlarını Ukraynaya göndərməsi və ABŞ-ın onlara komandanlığı və nəzarəti öz üzərinə götürməsidir.
“Reuters” öz mənbələrinə istinadən yazır ki, ABŞ və bir sıra Avropa ölkələrinin silahlı qüvvələrinin rəhbərləri cümə axşamı öz milli təhlükəsizlik müşavirlərinə Ukraynanın təhlükəsizliyinə zəmanət variantlarını təqdim ediblər.
“Reuters” mənbələri bildiriblər ki, yekun təfərrüatların üzərində hələ də baş sındırılır və Ukraynanın müdafiəsi vəzifəsində “aslan payı” Avropa İttifaqının çiyinlərinə düşəcək.
İddialara görə, davam edən müzakirələrdə Vaşinqtonun "rolunun miqyasını müəyyənləşdirir".
"Reuters”in mənbələrinin fikrincə, hələlik məlum olan odur ki, Avropa qoşunları Ukraynaya göndəriləcək, ABŞ isə müxtəlif yollarla onları hava dəstəyi ilə təmin edəcək.
Agentlik həmçinin ABŞ-ın Ukraynanın təhlükəsizliyinin təmin olunmasında “minimal” rol oynayacağını da yazıb. 

"DİA-AZ" bildirir ki, bu olaya reaksiya verən siyasi şərhçi Heydər Oğuz maraqlı mövqe ifadə edib. O deyib: "Mən deyəndə ki, Allahınız olsun, o "binəva" Trampı çox söyməyin, ABŞ öz silah sənayesinə 100 milyardlarla dollar qazandıracaq Ukrayna savaşını dayandırmaz və Ağ ev rəhbərinin özünü naza qoymasının səbəbi Avropa ölkələrini əllərini ciblərinə salmağı təşviq etmək və yaxşıca tərlətməkdir, inanmırdınız.
Buyurun, “Reuters” agentliyi də bu ehtimalı təsdiqləyir..."