Siyəzən rayon sakini Əliyev Zamiq Qüdrət oğlu sakinlər adından rayon rəhbərliyinə, həmçinin əlaqədar qurum və şəxslərə müraciət ünvanlayıb. Bir nüsxəsi də "DİA-AZ"a daxil olan müraciətdə deyilir:"Məlumat üçün bildirirəm ki, Siyəzən Su Meliorasiya Sistemlərinin İstismarı İdarəsi tərəfindən həyata keçirilən təmir və istismar işləri səriştəsiz və keyfiyyətsiz aparıldığına görə rayon ərazisində su verilişi tez-tez dayanır, bu isə əhalinin, kənd təsərrüfatı subyektlərinin normal fəaliyyətinə ciddi zərər vurur.
Aparılan təmir işləri qısa müddət ərzində yararsız hala düşür, eyni nasazlıqlar təkrarlanır.. Bu hallar onu göstərir ki, təmir prosesində texniki normalara, mühəndis-istismar qaydalarına və keyfiyyət tələblərinə əməl edilmir, nəticədə dövlət vəsaitindən səmərəsiz istifadə olunur və əhalinin su təchizatı hüququ pozulur.
Xatırladım ki Su Məcəlləsi”nin müvafiq maddələrinə görə, su ehtiyatlarından səmərəli istifadə və əhalinin fasiləsiz su ilə təmin olunması dövlətin və aidiyyəti qurumların vəzifəsidir.
Yuxarıda göstərilənləri nəzərə alaraq, Siyəzən Su Meliorasiya Sistemlərinin İstismarı İdarəsinin keyfiyyətsiz təmir işlərinə görə məsul şəxslər barəsində qanunauyğun tədbirlərin görülməsini, həmçinin rayon üzrə su verilişinin davamlı və keyfiyyətli şəkildə təmin olunmasını Sizdən xahiş edirəm".
