ABŞ Prezidenti Donald Trampın İranı təzyiq altında təslim olmağa məcbur etmək cəhdi əsasən ölkənin ən böyük iqtisadi dəstək mənbələrindən biri olan Dubayın məhdudlaşdırılmasından asılı olacaq.
Yeniavaz.com xəbər verir ki, bu barədə WSJ-də dərc olunan araşdırmada qeyd olunub.
Bildirilib ki, Birləşmiş Ərəb Əmirlikləri çərşənbə axşamı günü İranla maliyyə və iqtisadi əməliyyatları dayandırdığını elan edib ki, bu da Tehranı potensial olaraq əsas idxal mənbəyindən və maliyyə qara bazarından məhrum edə bilər.
“Bu qərar Tramp administrasiyasının BƏƏ-yə ölkədə fəaliyyət göstərən İran maliyyə şəbəkələrini bağlamaq üçün həftələrlə təzyiq göstərməsindən sonra verilib. Vəziyyətlə tanış olan mənbələrin sözlərinə görə, ABŞ hakimiyyəti BƏƏ rəsmilərinə bildirib ki, İslam İnqilabı Keşikçiləri Korpusu (SEPAH) ilə əlaqəli pul axınlarının qarşısının alınması Tehrana İran limanlarının dəniz blokadasından daha böyük təsir göstərə bilər.
Onların sözlərinə görə, müharibə zamanı ABŞ, həmçinin BƏƏ-ni sanksiyalı İran strukturlarına və əmirlik ərazisində gizli fəaliyyət göstərən digər şəbəkələrə qarşı daha fəal mübarizə aparmağa çağırıb”, - nəşr yazır.