“GƏNCƏBANK”DAKI YOXLAMALAR SİMVOLİK XARAKTER DAŞIYIR
DİA.AZ: - Bir müddət əvvəl “Azəravtoyolservis”in şefi Cavid Qurbanova məxsus “GəncəBank”dakı korrupsiya ilə bağlı sizləri məlumatlandırmışdıq. Məlumatımızda В«GəncəbankВ» ASC ilə bağlı araşdırmalara start verdiyimiz barədə də xəbər vermişdik. Xatırladaq ki, redaksiyamıza şikayət məktubu ilə müraciət edən bir qrup Gəncəbasar sakini bu bankın fırıldaqları ilə bağlı ilginc faktları açıqlayıblar. Məlum olur ki, kənd təsərrüfatı nazirliyinin müəyyən yüksək çinli məmurları ilə işbirliyində olan bu bankın rəhbərliyi sözügedən regionda aqrar sektorun inkişafı altında əməlli-başlı talanılıq işi ilə məşğuldurlar.
Faktlardan məlum olur ki, kənd təsərrüfatı nazirliyinin xətti ilə Gəncəbasar bölgəsi rayonlarına ayrılan krediti yüksək faizlə təqdim edən В«GəncəbankВ» rəhbərliyi müştərilərdən aldığı rüşvəti KTN-dəki himayədarları ilə paylaşır. Onu da bildirək ki, bu bankla bağlı araşdırmalara start vermişik və yaxın günlərdə daha dolğun və bank sektoru adına utanc hesab olunan faktlarımızı diqqətinizə çatdıracağıq.
Qeyd edək ki, "Gəncəbank" Açıq Səhmdar Cəmiyyəti 28 fevral 1994-cü ildə yaradılıb. Azərbaycan Respublikası ərazisində fəaliyyət göstərən 46 kommersiya bankının 45-i paytaxt Bakı şəhərində və yalnız biri - "Gəncəbank" ASC paytaxtdan kənarda, yəni Gəncə şəhərində yerləşir.
Bu isə o deməkdir ki, barəsində danışdığımız bank В«gözdən-könüldən iraqВ», yəni paytaxtdan kənar yeganə bankdır. Bəlkə elə buna görədir ki, bu gün bu bankın xətti ilə həyata keçirilən maliyyə fırıldaqları bu çağacan yetərincə işıqlandırılmayıb.
Bu barədə redaksiyamıza məlumat verən qaynaq bildirir ki, əslində səhmlərinin 96 faizi fiziki şəxslərə məxsus olan В«GəncəbankВ» В«AzəravtoyolservisВ» ASC-nin prezidenti Cavid Qurbanova məxsusdur. Mərkəzi Bankın rəhbəri Elman Rüstəmovla sıcaq əlaqələri hesabına Cavid Qurbanov В«GəncəbankВ»da həm də В«obnaliçkaВ» əməliyyatlarını da həyata keçirir.
Mənbəmiz bildirir ki, əslində paytaxtdakı bankların çirkli pulların yuyulmasında iştirakı çətinləşsə də, В«GəncəbankВ»da bu məsələ çox asandır: В«Bu işdə birbaşa olaraq Elman Rüstəmovun özü də maraqlıdır. Elə buna görə də belə bir qənaət var ki, əslində В«GəncəbankВ» məhz çirkli pulların yuyulması üçün saxlanılırВ».
Mənbəmiz onu da bildirdi ki, amma son zamanlar Cavid Qurbanovun hakimiyyət daxilindəki mövqeləri zəiflədiyindən В«GəncəbankВ»ın işləri də qaydasında deyil: В«Hətta bu bankın əli ilə həyata keçirilən maliyyə ırıldaqlarının müvafiq dövlət qurumları tərəfindən araşdırıldığı xəbəri də iqtidar dəhlizlərində dolaşmaqdadırВ».
Onu da bildirək ki, bu qurumla bağlı redaksiyamıza yeni faktlar da daxil olub. Məlumatlı mənbənin DİA.AZ-a bildirdiklərindən belə aydın olur ki, bu bankda В«şapkaВ» məsələsi çox popluyardır.
Mənbənin məlumatında deyilir: В« В«GəncəbankВ» SKB-də verilən ipoteka kreditlərindən 10 faiz В«şapkaВ» tutulur. Verilən kənd təsərrüfatı kreditlərindən də В«şapkaВ» tutulurВ».
Mənbəmiz bildirir ki, bankın Müşahidə Şurasının Sədri Pərvanə Novruzova eyni zamanda inşaat sektorunda da ad çıxarıb. Belə ki, bu xanım Mərkəzi Bankın sədri Elman Rüstəmovla şərikli binalar tikdirir. Məlumatlara görə, həmin binalarda tikinti işləri ləngiyir, nəticədə əhali pul verdiyi mənzilləri təhvil ala bilmir: В«Çirkli pulları öz bankları vasitəsiylə yuyurlar, ölkədə fırıldaqçı bank kimi tanınan В«GəncəbanВ»kın havadarları Mərkəzi Bankda və nazirliklərdə oturur. Qara valyuta mübadiləsi aparılır, valyuta mübadiləsindən əldə olan gəlir vergidən yayınır, bütün əməliyyatlar qara mühasibatlıqla aparılır, audit şirkətləri pulla satın alınır, dəfələrlə kredit sənədləri saxtalaşdırılır, pul köçürmələrində maxinasiyalar dolub daşır, əsas qazancı da В«şapkaВ»lardan yığırlar, ipoteka krediti yaxşı В«gəlirВ» gətirir. В«ŞapkaВ»lar dolub daşırВ».
Mənbəmiz məlumatında bildirir ki, bankın Müşahidə Şurasının Sədrinin qara biznesi çiçəklənir: В« В«GəncəbankВ» əslində qara korrupsiya atıdır. Gəncənin icra başçısı Elmar Vəliyevlə yaxın münasibətdə olan bank rəhbərliyi məmur yumruğunun hesabına öz maxinasiyalarını inkişaf etdirmək istəyir. İşlərin başı Pərvanə Novruzovadır. Yalançı bizneslərə, öz saxta adlı şirkətlərinə yüz minlərlə manat saxta kreditlər ayırır bu xanımВ».
Bu arada etibarlı mənbə bizə “Gəncəbank”-da ustalıqla qurulmuş və kənd təsərrüfatı kreditləri adı altında yuyulan pullların mənimsənilmə mexanizmini açıqladı.
Mənbənin söylədikləri: “Kənd təsərrüfatına və ya sahibkarlığın inkişafına yönəldiləcək kreditləri mənimsəmək üçün bank rəhbərliyi potensial müştəri ilə işbirliyinə girir, SKMF fondundan müəyyən məbləğ, məsələn 175000 azn cəlb edilir. Bu məbləğin 15000 manatlıq hissəsi müştəriyə çatır, qalanı isə bank rəhbərliyinə. Sonra isə müştəri bütün məbləğin ödənilməsinə vadar edilir, nəticədə müştəri müflisləşdirilərək əmlakı bank tərəfindən mənimsənilir”.
Mənbəmiz bildirir ki, bu yolla neçə neçə ailələri şamsız qoyan Pərvanə xanımın çirkli pulları artır: “Pərvanə xanımın Cavid Qurbanovla və Elman Rüstəmovla şərik olması hər addımda sübut olunur. Ağstafa rayonunda xaricdən gələn yük maşınlarına divan tutan yüksək rütbəli Nəqliyyat Nazirliyinin Əli adlı məmurunun həbsindən sonra prokurorluğun əməkdaşları “Gəncəbank”ı yoxlamaqdan yan keçdilər. Halbuki həmin struktur, yəni Yolları mühafizə İdarəsi Ağstafada türkiyəli sürücülərdən yığılan qanunsuz rüşvətləri, ümumi məbləği milyonlarla manat olan pulları “Gəncəbank”da nağdlaşdırıb”.
“Ancaq aidiyyatı orqanlara verilən haqqdan sonra bankdan yoxlamalar uzaqlaşdırılıb” deyən mənbəmiz iddia edir ki, indi bankda Mərkəzi Bankın Audit Komitəsinin Sədrinin başçılığı ilə yeni bir yoxlama həyata keçirilir: “Ancaq onların da haqqları çatıb və bu yoxlama formal xarakter daşıyır. Yoxlama öz bosslarının şəriklərinə güldən ağır söz deməz”.
Mənbənin bildirdiklərindən belə aydın olur ki, bank rəhbərliyinin Gəncədə olan cinayətkar iş adamı Şöhrət Quliyevlə də işgüzar əlaqələrinin olduğu üzə çıxıb: “Belə ki, bank vergidən yayınaraq Şöhrət Quliyevin pullarını Çinə köçürürmüş. Banka maliyyə zərbəsinin də dəyməsinin bir kiçik səbəbi də Şöhrətin həbsi olub”.
Məlumata görə, bunca gəlirib qarşılığında bank rəhbərliyi xəsislik də nümayiş etdirir: “İşçilərin də hüquqları pozulur, maaşlar verilmir, vergidən yayınmaq üçün bütün maaşlar nominal olaraq vergiyə düşməyən məbləğdə azaldılıb. Bunlardan “yuxarıların” xəbəri var, sadəcə olaraq, oliqarx-məmurların əksərinin bu bankda marağı var. Mərkəzi bank "Gəncə səbətləri" adlanan sovqatlardan əl çəkmək istəmir”.
Mövzu diqqətimizdədir. Bizi izləyin...
