"Sizə adı çox çəkilən "kardioloq" Vəli Behbudovdan danışacam.... Bizim balamızın ölümünə səbəb olan bu şəxs, eləcə də digər şəxslər barədə ətraflı yazacam..." "DİA-AZ" xəbər verir ki, bu barədə Çimnaz Hüseynova adlı sosial şəbəkə istifadəçisi yazır.

Narazı vətəndaş daha sonra başına gələnləri belə nəql edir: "Biz balamızı hər ay 4 yaşından bəri bu "həkim"in yanına aparırdıq. Son aylar bizə deyirdi ki, vəziyyəti çox yaxşıdır daha gətirməyin. Buna baxmayaraq, biz hiss edirdik ki, uşağın vəziyyəti yaxşı deyil. Noyabr ayından ümumiyyətlə, çox halsız, taqətsiz idi, ancaq uzanmaq istəyirdi. Qusurdu, qarnı gedirdi.

Noyabrın 12-si biz onu apardıq başqa klinikada başqa bir "uzist"in yanına. Bizə İqor həkim bildirdi ki, orqanları yaxşıdır, bircə ürəyinin qırağına su yığılır, tez aparın kardioloqa. Elə həmin gün gətirdik Vəlinin yanına, Vəli dedi ki , "hər kəs öz işi ilə məşğul olsun, hər şey normaldır". Bir dərman məsləhət gördü "empa" adında, dedi ki, sizə resepti göndərəcək başqa həkim... Biz həmin gün gözlədik axşama kimi, səs-səmir çıxmadı... dərman adı gəlmədi. Səhəri gün bu dediyi həkimə yığdıq və dedi ki, mənə ümumiyyətlə, heç bir dərman haqqında məlumat verməyiblər, heç nə deməyiblər. Burdan artıq bu "həkim"in məsuliyyətsizliyi göründü. Ayın 20-si bu uşaq öz dili ilə dedi ki, mən yaxşı deyiləm. Apardıq Mərkəzi Klinikaya, bu həkimin işlədiyi yerə. Dedilər problem ürəyidir, qalmalıdır xəstəxanada. Birinci sual burda yaranır: ürəyindəki problem 8 günə bu qədər şiddətləndi??? Niyə vaxtında demirdiniz??? Ayın 22-si uşağın vəziyyəti pisləşdi, bu həkim videozənglə uşağı başqasına exo elətdirdi və dedi ki "bu gecə sağ çıxsa, çıxacaq" . Necə olur ki, indiyə kimi ürəyi çox yaxşı işləyən uşaq bu vəziyyətə düşə bilər???

Həmin gün uşağı reanimasayaya keçirdilər. 8 gün ərzində uşaq reanimasiyada qalanda, xüsusilə son günlər bu doktora çox çətinliklə çatırdıq, əlaqə saxlamaq olmurdu. Mən özüm uşağın xalasıqızı kimi şəxsən bu həkimin yanına yaxınlaşanda dedi ki, "biz o vaxt demişdik ki, 12 yaşına kimi ya qalacaq ya öləcək". Belə idisə nə üçün bu "həkim" vaxtında donor axtarmırdı ? Donor axtarmağa 20-sindən sonra başladılar. Niyə??? Son günlər ümumiyyətlə, bu həkimə çatmaq olmurdu, zəngləri götürmürdü, 2-3 dənə uşaq-muşaq tələbəni yığıb ətrafına, gedib bunlar baxırdılar uşağa. Nəhayət bu məsuliyətsizlər və ölümü adi bir hal kimi qəbul edən bu şəxslərə görə ayın 30-u xalamın bircə 12 yaşlı oğlu rəhmətə getdi. Ümumiyyətlə, Mərkəzi Klinikanın həkimləri barədə oxusanız, görərsiniz ki, bunlar cəlladdılar, uşağı-cavanı-qocası hamını kəfənə salıb göndərirlər. Hardan gəldiyi məlum olmayan Güner adlı reanimatoloq da bu işin bir parçasıdır. Bu cəlladlığı burda qoymayacağıq!!! Bizim içimiz yanır, sizin içiniz yanmasın!!!!"