"Son illərdə mədəniyyət sahəsində baş verən kadr təyinatları göstərir ki, rəhbər vəzifələrin əksəriyyəti eyni çevrə ilə bağlı şəxslər tərəfindən tutulur. Bu çevrə “Fərəh Əliyevanın Mələkləri” adlanır. Bu kadr modelinin əsas xüsusiyyəti ondan ibarətdir ki, Fərəh Əliyevanın himayəsi ilə müxtəlif strukturlara təyinatlar həyata keçirilir; uğursuzluq halında isə sistemdən çıxarılmaq əvəzinə, həmin şəxs daha yüksək vəzifəyə qaytarılır və hətta 65+ yaş həddi keçsə belə vəzifədə qalır.

1) Validə Məmmədova – Azərbaycan Dövlət Mədəniyyət və İncəsənət Universitetinin tədris işləri üzrə prorektorudur və 74 yaşı var. Lakin buna baxmayaraq ona tətbiq olunmalı olan “65+ yaş” qanunu keçərli deyil. Çünki o, Fərəh Əliyevanın xüsusi qoruması altındadır.

2) Nərmin Qaralova – (ADMİU) nəzdində Humanitar Kollecin direktorudur və Fərəh Əliyevanın ən yaxın rəfiqələri sırasındadır. Onunla bağlı bəzi saytlarda “şagirdi təhqir edən kollec direktoru” kimi xəbərlər dərc olunub. Bunu da qeyd edim ki, Nərmin Qaralova Azərbaycan Respublikasının sabiq Baş Prokuroru Zakir Qaralovun qohumudur.

3) Sevil Kərimova – Azərbaycan Dövlət Mədəniyyət və İncəsənət Universitetinin prorektorudur. Onu hətta Mədəniyyət Nazirliyinə İncəsənət şöbəsinin müdiri vəzifəsinə də təyin etdilər, lakin bu vəzifədə özünü doğrulda bilmədi. Cəmi 3–4 ay keçməmiş, necə universitetdən Nazirliyə aparmışdılarsa, elə də geri universitetə qaytardılar. Üstəlik bu dəfə daha yüksək vəzifəyə prorektor olaraq.

4) Afət Aslanova – Azərbaycan Dövlət Rəssamlıq Akademiyasının tədris işləri üzrə prorektoru vəzifəsindədir. Fərəh Əliyevanın "seçilmişlərindəndir".

Fərəh Əliyevanın qohumu, dostu, rəfiqəsi və ya tələbə yoldaşı olmaq mədəniyyət sistemində vəzifə sahibi olmaq üçün kifayətdir..."