"M10 hesabım 9 avqust tarixindən bloklanıb. Tələb olunan bütün sənəd və sübutları təqdim etmişəm, lakin bu günə qədər hesabın vəziyyəti ilə bağlı konkret məlumat verilməyib. Hər müraciətimə yalnız “araşdırılır” cavabı alıram..." "DİA-AZ" xəbər verir ki, bunu özünün sosial şəbəkə hesabında Fərid Rüstəmov adlı istifadəçi yazaraq gileylənir.

Narazı vətəndaş daha sonra bildirir: "Araşdırma üçün əlavə hər hansı sənəd, izahat və ya sübut tələb olunursa, hamısını təqdim etməyə hazıram. Heç bir qanunsuz əməliyyat həyata keçirmədiyimi təsdiqləyən bütün məlumatları təqdim etməyə hazıram.

Hazırda hesabımda 332 manat vəsait qalıb və bu məbləğə çıxışım yoxdur. Xahiş edirəm, ən azı hesabın 10–15 dəqiqəlik müvəqqəti açılmasına imkan yaradın ki, vəsaitimi çıxara bilim və daha sonra araşdırma davam etdirilərək hesab yenidən məhdudlaşdırıla bilər.

Əgər bu mümkün deyilsə, zəhmət olmasa, 332 AZN vəsaitimi qanuni qaydada necə əldə edə biləcəyim barədə mənə konkret prosedur və müddət bildirin.

Artıq 12 gündür gözləyirəm..."