"Vəli Quliyev adlı bir Rusiya vətəndaşı Tik-tok platformasında yayın açıb bildirmiş ki, Sabunçu rayonunun deputatı Fazil Mustafaya Bakıxanov qəsəbəsində 125 nəfər məhəllə sakini adından müraciət etdik, bizimlə görüşə gəlmədi..." "DİA-AZ" xəbər verir ki, bunu özünün sosial şəbəkə hesabında deputat Fazil Mustafa qeyd edib.

O daha sonra fikrini belə davam etdirir: "İzah verim ki, həqiqətən də bu vətəndaş mənə müraciət etmiş və ona kifayət qədər aydın cavab vermişəm. 125 nəfər sakinlə görüş üçün icra hakimiyyətinə müraciət olunmalıdır ki, yer ayrılsın və biz də həmin görüşdə vətəndaşların şikayətini dinləməyə hazırıq. Ancaq təklif olunub ki, Vəli Quliyev məhəllə sakinlərindən bir neçə nəfərlə bazaertəsi günü Bakıxanov qəsəbəsindəki seçiciləri qəbul ofisimizə gəlsin və şikayətlərini təqdim etsin. Yerindəcə onları narahat edən məsələlərin həllinə köməklik göstərək. Köməkçim də məhəlləyə gedərək problemlə maraqlandığında konkret heç bir şikayət bildirilməyib. Üstəlik də Vəli Quliyev Rusiya vətəndaşı olduğundan bizim seçicimiz deyil, buna baxmayaraq seçicimiz olan insanlar əgər bu iş üçün onun xidmətindən istifadə etməyi nəzərdə tutmuşlarsa, o halda yenə də biz onların təmsilçilərini qəbul etməyə hazırıq.."