Xəbər verdiyimiz kimi, Bakı Qızlar Universitetinin təhsil fəaliyyəti dayandırılıb.
Bu barədə Elm və Təhsil Nazirliyindən məlumat verilib. Bildirilib ki, “Təhsil haqqında” Azərbaycan Respublikası Qanununa əsasən, akkreditasiya təhsil müəssisəsinin fəaliyyətinin dövlət təhsil standartlarına uyğunluğunun və onun statusunun müəyyən edilməsini təsdiq edən prosedurdur və hər 5 ildən bir həyata keçirilir.
10 iyul 2026-cı il tarixində keçirilmiş Akkreditasiya Şurasının iclasında Bakı Qızlar Universiteti üzrə müvafiq Akkreditasiya Komissiyaları tərəfindən hazırlanmış institusional və proqram akkreditasiyası üzrə yekun qiymətləndirmə hesabatları müzakirə edilib.
Aparılmış müzakirələrin və səsvermənin nəticələrinə əsasən, ali təhsil müəssisəsinin institusional və proqram akkreditasiyası üzrə yekun nəticə "uyğun deyil" olaraq qiymətləndirilib və Bakı Qızlar Universitetinin akkreditasiya olunmuş hesab edilməməsi barədə qərar qəbul edilib.
Qərar universitetdə aparılmış qiymətləndirmə zamanı ali təhsil müəssisəsinin fəaliyyətinin müxtəlif istiqamətlərini əhatə edən, dövlət təhsil standartlarının, normativ hüquqi aktların və keyfiyyət təminatı tələblərinin yerinə yetirilməsində ciddi uyğunsuzluqların müəyyən edilməsi əsasında qəbul olunub.
Qızlar Universitetinin bağlanması xəbəri mətbuatda, sosial çşəbəkələrədə geniş ümzakirə edilir. Bəziləri bunu ai təhsilin inkişafına, bəziləri isə qızların ali təhsilinə yaradılan problem kimi dəyərləndirib.
Məlumat üçün bildirək ki, universitetin tarixi 1992-ci ildən başlayır. Həmin il Bakı Ali Pedaqoji Qızlar Seminariyası təsdiq edilib. Professor Ağarəhim Nüsrət oğlu Rəhimovun sədrliyi ilə tələbə qəbulu komissiyası yaradılıb və həmin ilin 27 iyul tarixində Azərbaycan Televiziyasında Bakı Ali Pedaqoji Qızlar Seminariyasına "Pedaqogika və psixologiya", "Pedaqogika və ibtidai təhsilin pedaqogikası" ixtisasları üzrə tələbə qəbuluna dair elan verilib.
Azərbaycan Respublikası Ədliyyə Nazirliyinin 08 iyul 2005-ci il tarixli Dövlət Qeydiyyatı haqqında 19 saylı şəhadətnaməsi ilə Bakı Ali Pedaqoji Qızlar Seminariyası Bakı Qızlar Universiteti adlandırılıb.
Müəssisənin əvvəl fəaliyyət göstərdiyi Yaramal rayonunun sabiq icra başçısı olmuş Sahib Məmmədov maraqlı açıqlama ilə çıxış edib. O, təhsil müəssisəsinin 1992-ci ildə universitet kimi deyil, Qızlar seminariyası kimi yarandığını təsdiqləyib:
“Yasamal rayonunda Qasım İsmayılov küçəsindəki binanıda onlara mən vermişdim. Təhsil məqsədi ilə. Amma hörmətli Ağarəhim müəllim oranı özəllləşdirib 2,5 milyona satmışdı”.
Məlumat üçün bildirk ki, söhbət Bakı Qızlar Universitetinin təsisçisi, professor Ağarəhim Rəhimovdan gedir. Daha sonra Nəsimi rayonu Möhsün Sənani küçəsi, 14 ünvanında fəaliyyət göstərən universitetin rektoru onun qızı Rəhimova Sevincdir.
O, pedaqogika üzrə fəlsəfə doktoru, professordur. 1997-ci ildən Bakı Qızlar Universitetində müəllim, dekan müavini, dekan, tərbiyə işləri üzrə prorektor, tədris işləri üzrə prorektor vəzifələrində işləyib.
