Ötən həftə Sabirabadda azyaşlıya qarşı əxlaqsız hərəkətlər edən 64 yaşlı Mərdan Hüseynovun məhkəmə prosesi keçirilmiş, o, 17 il müddətinə azadlıqdan məhrum edilmişdi.

Teleqraf-ın məlumatına görə, sosial şəbəkələrdə yayılan və Mərdan Həsənovun məsuliyyətə cəlb olunmasına səbəb olunan video onun ögey qızı Nərgiz (ad şərtidir) tərəfindən 61 yaşlı kişinin qanunazidd əməllərinin ifşa olunması məqsədilə lentə alınıb.

Qısa arayış olaraq bildirək ki, Mərdan Hüseynovun əxlaqsız hərəkətlər etdiyi 6 yaşlı Sünbül (ad şərtidir) onun qonşusunun qızı olub. Sünbülün anası Nəzakətin (ad şərtidir) işi çox olduğu vaxtda azyaşlı övladlarını Mərdanın arvadına və qızına tapşırıb.

2025-ci ilin iyununda yenə Nəzakət uşaqları Mərdanın ailəsinə tapşıraraq öz işinin arxasınca gedib. Bu zaman Mərdanın ögey qızı Sünbüllə bir qədər həyətdə oynadıqdan sonra evə daxil olublar. Həmin vaxt Mərdan öz telefonunda TikTok-a baxırmış.

Nərgiz yenidən həyətə qayıtdıqdan sonra Mərdanın əlindəki mobil telefonun səsinin kəsildiyini eşidib, azyaşlı ilə telefona baxmadıqları təqdirdə nə etmələri ona maraqlı gəlib.

Təxminən 2-3 dəqiqə sonra Mərdan onun yanına gələrək mobil telefonunun ekranının kilidə düşdüyünü deyib və aça bilmədiyini bildirib. Nərgiz ögey atasından telefonu alıb baxan zaman TikTok-da videoçəkiliş üçün nəzərdə tutulmuş bölmədə təxminən 6-7 saniyəlik videogörüntü olduğunu, lakin həmin görüntünün yaddaşa yazılmadığını görüb. Həmin görüntüyə diqqətlə baxarkən ögey atası Mərdanın Sünbülü öpdüyünü görüb, bu görüntüləri ögey atasının özü də bilmədən qeydə aldığını başa düşüb və bu barədə heç kimə xəbər etmədən videonu telefonun yaddaşına yazmadan silib.

Lakin Mərdanın Sünbülü bu formada öpməsinin normal olmamasını başa düşərək ögey atasının azyaşlıya qarşı seksual hərəkət etməsindən şübhələnib.

Nərgiz bu barədə evə gəldikdən sonra anasına danışsa da, qadın inamayıb və “uşaqdır, öpür də, burada nə var ki, Mərdan həmin uşaqları nəvəsi gözündə görür” deyə cavab verib.

Həmin günün səhəri saat təxminən 12 radələrində anası evdə olmadığı müddətdə Mərdan ona səslənərək qonşunun qızını evə gətirməyi, onunla oynamaq istədiyini bildirib.

Nərgiz bu dəfə Mərdanın nə etdiyini dəqiqləşdirmək üçün evə daxil olub qonaq otağına girərək mobil telefonunu cərəyana qoşacağını deyib, əslində isə həqiqəti öyrənib anasına çatdırmaq üçün mobil telefonu videogörüntüyə qoyaraq yenidən həyətə qayıdıb.

Təxminən 5-6 dəqiqə sonra Mərdan hər iki uşaqla birlikdə həyətə düşdükdə evə qalxıb mobil telefonunu götürüb çəkilmiş videogörüntüyə baxarkən Mərdanın azyaşlıya qarşı əxlaqsızlıq etdiyini görüb.

Təxminən 1 saat sonra evə gələn anasına videonu göstərib. Anası onunla birlikdə qonşusunun evinə gedərək olanları sonuncuya danışıb və mobil telefonundakı videonu göstərib. Sünbülün anası əsəbləşsə də, camaat arasında biabır olmamaları üçün Mərdanın barəsində heç yerə şikayət etməyəcəklərini bildirib və ondan telefonundakı videonu silməyini xahiş edib. O, telefonunun “Galereya” bölməsindən videonu silib, lakin görüntü “Google foto” bölməsinin yaddaşından qalıb.

Xeyli müddət keçməsinə baxmayaraq o, Sünbülün anası və valideynlərinin, eləcə də öz anasının Mərdanın iyrənc və qanunsuz əməlini bilə-bilə bu barədə polisə şikayət etməmələrini və heç nə olmamış kimi davranmalarını gördükdə əsəbləşib, Mərdanın azyaşlı qıza qarşı etdikləri ağlından çıxmyıb, həmin əməllərindən sonra təqsirləndirilən şəxsin azadlıqda qalması onu incidib.

Buna görə 2025-ci ilin iyul ayının sonlarında “İnstagram”da hesab açaraq videonun ictiamiyyətə yayılmasını təmin etmək üçün səhifələrdən birinə göndərib, əxlaqsızlıq edən şəxsin kimliyi barədə məlumat verdikdən sonra hesabını silib.

Qeyd edək ki, sözügedən video ictiamiləşəndən sonra Mərdan Hüseynov məsuliyyətə cəlb olunub.