“Biz dünyanın hər yerində ana dilimizi təbliğ etmək üçün Azərbaycan məktəbi aça bilmərik. Amma azərbaycanlıların çoxluq təşkil etdiyi, daha fəal və istəkli olduğu yerlərdə bu cür məktəblər açmaq mümkündür”.
Bunu Moderator.az-a açıqlamasında Xalq şairi Sabir Rüstəmxanlı bildirib. O, bildirib ki, bu məsələdə Azərbaycan dövləti ilə yanaşı, xarici ölkələrdə yaşayan soydaşlarımızın, diaspor təşkilatlarının da fəallığı vacibdir:
“Təbii ki, dilimizin azərbaycanlılar yaşayan ölkələrdə təbliği vacib və faydalıdır. Lakin bu məsələdə hər şeyi dövlətdən gözləmək doğru deyil. Bu məsələdə xaricdə yaşayan soydaşlarımızın, diaspor təşkilatlarımızın istəyindən, fəallığından da çox şey asılıdır. Onlar bu məsələdə nə qədər istəkli və qərarlıdırlarsa, həmin ölkədə Azərbaycan məktəblərinin təşkili bir o qədər mümküün və effektli olar”.
