Ukrayna vətəndaşı Olqa Yeryomenko Azərbaycanın Ukraynadakı Səfiri Azər Xudiyevin əməlləri ilə bağlı hüquq-mühafizə orqanlarına müraciət edib.
Missiya.Az xəbər verir ki, Ukraynanın vesti-ua.net saytının yaydığı məlumata görə, iş adamı səfirin onun biznesini ələ keçermək istədiyini iddia edir. Bu haqda iş adamının vəkili Sergey Gerasimçuk bəyanat verib. O, qeyd edib ki, Ukrayna vətəndaşı dəfələrlə səfirliyin ərazisinə dəvət edilib və ona könüllü olaraq öz mülküyyətindən imtina etməyi təklif ediblər.
Vəkil deyib: "Olqa Yeryomenkonu bir neçə dəfə səfirliyə, faktiki olaraq digər dövlətin ərazisinə dəvət ediblər. Şəxsən səfir ona orada təklif edib ki, biznesini digər şəxsin adına keçirsin. Bizim məlumatımız var ki, bu biznesin keçmiş sahibkarlarına qarşı səfirin iddiları olub. Ancaq Ukrayna vətəndaşı bu biznesi qanuni yolla əldə edib və onun bu iddialarla heç bir əlaqəsi yoxdur”.
Vəkilin özlərinə görə, Ukraynalı xanımla azərbaycanlı diplomatlar arasında son görüş iyunun 20-də səfirliyin ərazisində baş tutub. Həmin görüşdə statusu bəlli olmayan, diplomatik nümayəndəliyin əməkdaşları siyahısında adı qeyd olunmayan Zülfiyyə Şestakova da olub. O, səfirin adından təkid edib ki, iş adamı biznesini üçüncü şəxsə pay versin. O.Yeryomenko redaksiyaya messencerindəki yazışmanı təqdim edib. Orada Z.Şestakovanın təklifi var ki, Yeryomenko biznesə aid bütün sənədləri götürüb Səfirlə görüşə gəlsin.
Vəkil bildirir ki, onda səfirlikdə baş tutmuş söhbət haqqında təkzibedilməz sübütlar var: "Hadisə digər dövlətin ərazisində baş verdiyindən, iki dövlətin – Azərbaycan və Ukraynanın hüquq mühafizə orqanlarına müraciət edirik”.
Hüquqşünas dəqiqləşdirib ki, O.Yeryomenko bir il öncə Azərbaycan vətəndaşlarından Kiyev vilayətinin Obuxov rayonunun Xodosovka kəndində yerləşən "Karvan” ("Караван”) hotel-restoran kompleksini satın alıb. Keçmiş sahiblərin birinə qarşı cinayət işi açılmışdı: səfir onu maliyyə israfçılığında ittiham edir. Satınalmadan sonra isə işə yenidən baxılmış və CM-nin 197-1 maddəsi ilə "Karvan”ın yerləşdiyi torpaq ərazisi zəbt olunmuş ərazi kimi qiymətləndirilmişdir.
Vəkil S.Gerasimçuk qeyd edir ki, torpaq dövlət mülküyyətindədir, restoran Kiyev vilayətinin dövlət administrasiyasının qərarı ilə sadəcə icarəçidir, buna görə də özbaşına zəbt haqqında iddiaların heç bir əsası yoxdur: "Olqa Yeryomenkaya qarşı əsl müharıbə aparılır. Mülküyyətinin könüllü olaraq pay verməkdən imtina etdikdən sonra ona qarşı reyd hücumları olub. İyunun 26-da 9 prokurordan ibarət istintaq qrupu iş adamının ofisində, mənzilində, onun biznes-partnyorlarının mənzillərində axtarış aparıb, O.Yeryomenkonu vəkilin iştirakı olmadan dindiriblər.
Axtarış zamanı daşınmaz əmlak üzrə mülküyyət hüququnu təsdiq edən sənədlərin əslləri ələ keçirilib. Buna əsas üçün yeni açılmış cinayət işi gətirilib: UCM-sinin 258 maddəsinin 5-ci bəndi – terrorizm. Yeryomenkonu ittiham edirlər ki, onun 2009-cu ildə Donetskdə biznesi olub.
"Terrorizmlə” bağlı iddiada digər iş adamların da adları sadalanır. "Günahları” isə ondadır ki, onlar qondarma DXR ərazisində qeyri-qanuni kolbasa istehsal ediblər. Amma vəkil bu iddiaları absurd hesab edir: "Donetskin işğalından dərhal sonra Yeryomenkonun kolbasa istehsal edən müəssisəsi əlindən alınıb”. Bu cinayət işinin təfərrüatları ilə Məhkəməyə qədər araşdırmaların vahid reyestrində tanış olmaq olar – nömrəsi 12017100100008737.
Vəkil deyir: "Biz sonuncu hadisələrə kompleks şəklində yanaşırıq. Səfirlikdə anladılar ki, hətta yalançı torpaq zəbti iddiaları ilə biznesi ələ keçirə bilməyəcəklər. İndi də höcət iş adamını daha bir cinayət işi ilə qorxudurlar. Terrorizmdə günahlandırılan insanın bütün mülküyyətini əlindən ala bilərlər. Və bu gün O.Yeryomenkonun mülküyyətinin bir qismi doğurdan da həbs edilib. Lakin mənim müştərimə qarşı terrorizm əməllərində iştirak haqqında iddialar tam saxtadır – Yeryomenko 2012-ci ildən Kiyevdə yaşayır və DXR-in təşkilatlarına heç bir aidiyyəti yoxdur”.
Vəkil bu hadisələrin əsas səbəbini iş adamının qorxutmaq, biznesini və əmlakını əlindən almaq cəhdlərində görür. Gerasimçuk qeyd edir: "Vəziyyət gərginləşir. Hüquq-mühafizə orqanlarının hərəkətləti gözlənilməz hala düşür. Biz Ukrayna Dövlət araşdırmalar bürosuna, Azərbaycan Respublikası Baş Prokurorluğuna, həmin ölkənin XİN-inə, həmçinin iki ölkənin Prezidentlərinə müraciət edirik ki, yüksək statuslu diplomatın iştirak etdiyi bu qanun pozuntusu yola verilməzdir”.
Vəkil qeyd edib ki, yaxın günlərdə Azərbaycanın Ukraynadakı səfiriliyinin əməkdaşlarının qanunsuz əməlləri haqqında əlavə faktlar açıqlayacaq.
(Mənbə: https://vesti-ua.net/novosti/obschestvo/110410-ukrainskiy-biznesmen-osparivaet-nezakonnye-deystviya-posla-azerbaydzhana.html)
