DİA.AZ: - "Bu yazımızda Şəmkir rayonun son 5 ilinin Mədəniyyət siyasətini geniş təhlil etməyə çalışacağıq". Bu barədə DİA.AZ-a göndərilən məqalədə qeyd olunur.
Xatırladaq ki, keçən ayın əvvəli Mədəniyyət Nazirliyinin Şəmkir Regional Mədəniyyət İdarəsinin vəzifəli şəxslərinin qanunsuz əməlləri ilə bağlı daxil olmuş vətəndaş müraciəti əsasında keçirilmiş əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddələri ilə cinayət işi başlanılmışdır.
Aparılmış əməliyyat-istintaq tədbirləri ilə Şəmkir Regional Mədəniyyət İdarəsinin rəisi Azər Rəcəbovun həmin idarənin İnsan resursları şöbəsinin rəisi Ələkbər Əliyev və məsləhətçisi Seymur Səfərov ilə qabaqcadan əlbir olaraq xidməti vəzifələrinin icrası ilə əlaqədar ümumi himayədarlıq, yəni ayrı-ayrı şəxslərdən vəzifəyə təyin edilmələri, vəzifədə qalmaqla fəaliyyətini davam etdirmələri, eləcə də idarənin balansında olan klubların ixtisar edilməməsi müqabilində 2021-ci ilin dekabr ayından başlamaqla ayrı-ayrı şəxslərdən 102 min manat məbləğində pul vəsaitini rüşvət qismində almalarına və vəzifə səlahiyyətlərindən sui-istifadə etmələrinə əsaslı şübhələr müəyyən edilmişdir.
Azər Rəcəbov, Ələkbər Əliyev və Seymur Səfərova Cinayət Məcəlləsinin 308.2 (vəzifə səlahiyyətlərindən sui-istifadə ağır nəticələrə səbəb olduqda), 311.3.1, 311.3.2 və 311.3.3 (qabaqcadan əlbir olan bir qrup şəxs tərəfindən təkrar külli miqdarda rüşvət alma) maddələri ilə ittiham elan edilməklə, barələrində məhkəmənin qərarı ilə həbs qətimkan tədbiri seçilmişdir.
Hazırda cinayət törətmiş şəxslərin dairəsinin və onların digər qanunsuz əməllərinin müəyyən olunması istiqamətində zəruri istintaq, əməliyyat-axtarış tədbirləri davam etdirilir.
DİA.AZ-a göndərilən məqalədə isə belə deyilir: "2016-cı ilin sonlarında Prezident İlham Əliyevin sərəncamı ilə rayonlarda fəaliyyət göstərən Mədəniyyət və Turizm Şöbələri ləğv edilərək, onların bazasında Regional Mədəniyyət və Turizm İdarələri yaradıldı. 2018-ci il Prezident seçkilərindən sonra isə Turizm Mədəniyyətdən ayrılaraq, Dövlət Turizm Agentliyi yaradıldı və Agentliyə vaxt verildi ki, qısa müddət ərzində regional idarələri ilə bağlı təklifləri Prezidentə təqdim etsinlər. Lakin üstündən 4 il keçməsinə baxmayaraq yerlərdə Turizm siyasətini həyata keçirəcək nəinki regional, heç yerli qurumlar da fəaliyyət göstərmir. Bu başqa yazımızın mövzusu olacaq. İndi isə qayıdaq 2016-ci ilin sonlarına.
Regional Mədəniyyət və Turizm İdarələri yaranan kimi, yerlərdə idarə rəisliyi uğrunda amansız mübarizə başladı. Təbii ki, Şəmkir,Gədəbəy, Daşkəsən və Göygöl rayonlarını əhatə edən Şəmkir Regional Mədəniyyət və Turizm İdarəsinin rəisi vəzifəsi də kənarda qala bilməzdi. Həmin zamanlar Şəmkirin icra başçısı işləmiş, hazırda məhbəs həyatı yaşayan Alimpaşa Məmmədov müəyyən mənada cəhd etdi ki, o zamanlar Şəmkir Mədəniyyət və Turizm Şöbəsinə rəhbərlik edən Əsgər Ələsgərovu Regional İdarəyə rəis təyin etdirsin. Amma....... Elə maraqlı tərəflər də bundan sonra başlayır.
Sən demə illərdir dövlətin külli miqdarda vəsaiti ölkənin Mədəniyyət siyasətinə sərf olunurmuş. Regionlaşmaya qədər hər kəsdə elə təəssürat var idi ki, Mədəniyyət və Turizm Şöbələri gündəlik maaşla dolanan pensioner işçilərin iş yeridir.
Xülasə: Alimpaşa Məmmədova deyildi ki, sən belə işlərə baş qoşma, onsuz sənin üçün geriyə sayım başlayıb, otur zamanını gözlə.
2017-ci ilin fevral ayında Şəmkir Regional Mədəniyyət və Turizm İdarəsinə Höccət Əsədullayev adında bir nəfər rəis təyin olundu. Bəs kim idi Höccət Əsədullayev ?! Son təyinata qədər o zamanlar ölkənin ən iri özəl şirkətlərindən olan, birbaşa Fazil Məmmədova məxsus Synergy Group MMC də təşkilati işlərlə məşğul olan, daim hər kəsi razı salmaq üçün əldən ayaqdan gedən bu "təlxək" , özü ilə dərhal Bakıdan əsgərlik yoldaşını və yaxın dostunu gətirdi idarəyə pul yığmağa. 2020-ci ilin may ayına qədər Höccət Əsədullayevin başçılığı ilə bu mütəşəkkil cinayətkar dəstə başladı Şəmkir Mədəniyyət talamağa, dağıtmağa. 2020-ci ilin may ayında Mədəniyyət Nazirliyində məlum həbslər çərçivəsində Höccət Əsədullayev da istintaqa cəlb olunanlar siyahısında ilk 3 lükdə idi. Siyasi tarixi izləyən şəxslərin yadında qalmış olar, Höccət Əsədullayev kameralar qarşısında necə acizanə, qorxaqcasına hər kəsi satırdı, üzə dururdu. Höccət Əsədullayev və ətrafının sonrakı taleyi haqqında heç bir məlumat yoxdur. Çox güman külli miqdarda topladığı dövlət vəsaiti əlindən alınaraq sərbəst buraxılmışdır.
2020-ci ildə Mədəniyyət Nazirliyində məlum həbslərdə sonra Əbülfəz Qarayev vəzifəsindən azad olundu və Mədəniyyət siyasətindən ümumiyyətlə xəbəri olmayan Anar Kərimov adlı diplomat nazirin 1-ci müavini təyin olunmaqla, nazir vəzifəsinin icrasına başladı. Regionlarda, xüsusi ilə də rəisləri istintaqa cəlb olunmuş idarələrdə böyük ümidlər yarandı ki, gənc, perspektivli, işgüzar gənclər bu idarələrə rəis təyin olunacaq".
DAVAMI VAR...
Yazıda adları keçən bütün şəxslərin mövqelərini dia-az.life olaraq işıqlandırmağa hazırıq...
