Rusiya prezidenti Vladimir Putin bu gün ABŞ-lı həmkarı Trampın anadan olmasının 80 illiyi münasibəti ilə ona zəng edib. Putinin köməkçisi Uşakovun sözlərinə görə, liderlər arasında dostcasına və səmimi şəraitdə keçən söhbət 55 dəqiqə davam edib. Trampı 80 illik yubileyi münasibətilə təbrik edən rus lideri sözü hərləyib-fırlayıb Ukrayna məsələsinin üzərinə gətirib.

Putin Trampa Kiyevin Rusiyadakı mülki infrastrukturu vurmaq cəhdlərinin döyüş meydanındakı vəziyyəti dəyişdirməyəcəyini deyib. Putin həmçinin bildirib ki, əgər Zelenski onunla görüş istəyirsə, buyurub Moskvaya gəlməlidir.

Uşakova inansaq, Tramp Putinin bu özündənmüştəbeh istəklərinə layiqli cavab verməyib, əksinə, o, söhbətində Kiyevə və ABŞ-ın Avropa tərəfdaşlarına təsir göstərməyə hazır olduğunu bildirib.

Söhbətinin sonunda Putin və Tramp ABŞ-ın xüsusi nümayəndələri Uitkoff və Kuşnerin tezliklə Rusiyaya səfər etməsi barədə razılığa gəliblər.