2026-cı il üçün Beynəlxalq Valyuta Fondunun (BVF) məlumatlarına əsasən, nominal dövlət borcunun həcminə görə dünyada ilk sırada ABŞ qərarlaşıb.
Yeniavaz.com xəbər verir ki, ABŞ-nin dövlət borcu 40,7 trilyon dolları ötərək siyahıda növbəti dörd ölkənin ümumi borcunu da üstələyir.
ABŞ nominal borcun həcminə görə lider olsa da, borcun ÜDM-ə nisbəti baxımından ilk yerdə deyil. ABŞ-da bu göstərici 125,8% təşkil edir.
Borcun ÜDM-ə nisbətinə görə ilk sırda Yaponiya qərarlaşıb. Bu ölkədə dövlət borcu ÜDM-in 204,4%-nə bərabərdir.
Dövlət borcunun həcminə görə ilk 15 ölkə aşağıdakı kimi olub:
ABŞ – 40 739 milyard dollar
Çin – 22 290 milyard dollar
Yaponiya – 8 951 milyard dollar
Birləşmiş Krallıq – 4 418 milyard dollar
Fransa – 4 258 milyard dollar
İtaliya – 3 790 milyard dollar
Almaniya – 3 523 milyard dollar
Hindistan – 3 464 milyard dollar
Kanada – 2 776 milyard dollar
Braziliya – 2 544 milyard dollar
İspaniya – 2 054 milyard dollar
Meksika – 1 330 milyard dollar
Sinqapur – 1 134 milyard dollar
Avstraliya – 1 075 milyard dollar
Cənubi Koreya – 1 050 milyard dollar

Dövlət borcunun ÜDM-ə nisbətinə görə isə ilk 15 ölkə bunlardır:
Yaponiya – 204,4%
Sinqapur – 171,9%
Sudan – 169,1%
Bəhreyn – 152,4%
İtaliya – 138,4%
Yunanıstan – 136,9%
Seneqal – 132,3%
Maldiv adaları – 129,4%
ABŞ – 125,8%
Ukrayna – 122,6%
Butan – 120,3%
Sent Vinsent və Qrenadinlər – 120,1%
Fransa – 118,4%
Kanada – 110,7%
Belçika – 109,2%

Məlumat üçün onu da bildirək ki, 2026-cı il 1 aprel tarixinə Azərbaycanın xarici dövlət borcunun səviyyəsi 4 milyard 689,3 milyon dollar təşkil edib. Proqnozlara görə, bu il xarici dövlət borcunun ÜDM-yə nisbəti isə 6,1% təşkil edəcək.
Azərbaycanda daxili dövlət borcunun səviyyəsi isə 16 milyard 492,9 milyon manat olmaqla cari il üzrə proqnozlaşdırılan ÜDM-in 12,6 faizini təşkil edir.