Ermənistanın “Daşnaksütyun” Partiyasının üzvü Ara Naxşkaryan bu gün səhər saatlarında yaşadığı evdə saxlanılıb.
Teleqraf xəbər verir ki, bu barədə onun vəkili Abrasim Atoyan məlumat verib.
Vəkilin sözlərinə görə, Naxşkaryan hazırda Ermənistanın Korrupsiyaya Qarşı Mübarizə Komitəsindədir:
“Saxlanılma Korrupsiyaya Qarşı Mübarizə Komitəsinin yaydığı səsyazısı əsasında həyata keçirilib”.
Ara Naxşkaryan Ümumerməni Təhsil və Mədəniyyət Birliyinin Gümrü ofisinin direktorudur. Həmçinin sabiq prezident Robert Köçəryanın “Ermənistan” blokundan parlament seçkilərində deputatlığa namizəd olub.
