Müğənni İradə İbrahimova sosial şəbəkədə onu nümunəvi şəxs kimi göstərənlərə cavab verib.
Axşam.az xəbər verir ki, sənətçi instaqram səhifəsində paylaşım edərək heç kimin nümunəvi bir insan olmadığını bildirib:
"Bəzən nümunə olduğumu yazırsınız. Mən də səmimiyyətinizi hiss edərək səmimi cavab vermək istədim. Nə mən, nə də başqası nümunə olacaq insandır və ola da bilməz. Nümunə olduğunu söyləyənlərin yanından da sürətlə qaçın, uzaqlaşın. Çünki hamımız insanıq və qüsurluyuq, xətalarımız var. İnsanlara bu gözlə baxsanız, daha az bikef olarsınız. Heç bir şey göründüyü kimi deyil. Məncə, heç kimə heyran qalmağa gərək yoxdur".
