"ABB kartı ilə metro və avtobus ödənişləri edirdim. Bəzi gedişlər kartdan çıxılmamışdı — düşündüm ki, sistem gecikmə edir, sonradan çıxılacaq. Amma bu gün baxıram ki, balansım -6.61 AZN-ə düşüb..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımda giley olunur.
Narazı vətəndaş daha sonra başına gələnləri belə nəql edir: "Sual verirəm: bu nə cür şəffaf olmayan sistemdir? İstifadəçi nə vaxt, hansı gedişə görə nə qədər borclandığını real vaxtda görə bilmirsə, bu artıq xidmət deyil — problem yaradan mexanizmdir.
ABB-yə yazıram, deyirlər metropolitenlə əlaqə saxla. Metropolitenə yazırsan — cavab ya gec gəlir, ya da ümumiyyətlə gəlmir. Müştəri ortada qalır.
Rəqəmsal ödəniş sistemi qurmaq sadəcə kartdan pul çəkmək deyil. Bu, istifadəçiyə aydın, şəffaf və izlənilə bilən məlumat təqdim etməkdir. Əks halda insanlar nə üçün borclandığını anlamadan mənfi balansa düşür.
Bu məsuliyyət kimdədir? Bankda, yoxsa nəqliyyat sistemində? İstifadəçi niyə bu iki qurum arasında “ötürülməlidir”?
Bu cür yanaşma həm etibarı zədələyir, həm də gündəlik istifadəni problemə çevirir. Əgər sistem varsa, düzgün işləməlidir. Əgər işləmirsə, məsuliyyət daşıyan tərəf bunu açıq şəkildə izah etməlidir..."
