Ermənistan baş naziri Nikol Paşinyan Putinlə telefon söhbətinin detallarını açıb. "DİA-A" xəbər verir ki, o, Ermənistanın Avrasiya İttifaqına alternativlər formalaşdırmaq haqqının olduğunu deyib:
“Rusiya prezidentinə dedim ki, bu yolu biz seçmişik və onu davam edəcəyik... Təsəvvür edə bilmərəm ki, siyasətimiz nəticəsində Ermənistanın alternativi olmayacağı situasiyaya düşək”.
Rusiya tərəfindən Ermənistan mallarına qoyulan qadağalardan danışan Paşinyan Avrasiya İttifaqının faktiki olaraq özünü iflic etdiyini və işləmədiyini deyib:
“Əgər bu məsələ yaxın zamanlarda həll edilməsə, güman edirəm ki, bu, Avrasiya İttifaqının sonunun başlanğıcı olacaq”.
Bununla belə Paşinyan Putinlə telefon danışığını baş tutmuş saydığını və Avrasiya İttifaqından çıxmaq planlarının olmadığını söyləyib.
Paşinyanla Putin arasında telefon danışığı iyulun 27-də baş tutub. Paşinyan telefon danışığı zamanı Ermənistan mallarına qoyulan qadağaların götürülməsini istəyib, Putin isə Ermənistanın AB-yə üzvlüklə bağlı referendum keçirilməsi gərəkdiyini deyib.
Ermənistanda xüsusilə seçkilər ərəfəsində ölkənin Avropa İttifaqına inteqrasiya etmək niyyəti xüsusilə Moskvanın etirazına səbəb olub. Rusiya Yerevandan Avrasiya İttifaqı və Avropa İttifaqı arasında seçim etməyə çağırış edib. Bunun ardınca Ermənistanda ixrac oluna bir sıra məhsulların Rusiyaya girişi müxtəlif səbəblər göstərilərək dayandırılıb.
