
“Atəşgah” Sığorta Qrupunda rəhbərliyində dəyişiklik dalğası davam etməkdədir və hazırda “Atəşgah” Sığorta Şirkəti və “Atəşgah Həyat”ın Direktorlar Şurasındakı bütün vəzifələr vakantdır.
Banker.az-ın əldə etdiyi məlumatlara görə, “Atəşgah” Sığorta Şirkəti ASC-nin Direktorlar Şurasının sədri Ruslan Əliyev Allahverdi oğlu və üzvü Xəlilov Namiq Cəlil oğlu qurumdan ayrılıblar. Hələlik onların yerinə hər hansı bir təyinatla bağlı məlumat paylaşılmayıb.
Bu dəyişikliklər 2025-ci ilin birinci rübündən başlayaraq start götürüb. Belə ki, ilkin olaraq martın əvvəlində Direktorlar Şurasının müstəqil üzvü Yekaterina Şebarova Alekseyevna vəzifəsindən ayrılmışdı. O, 2022-ci ildən etibarən bu vəzifəni icra edirdi. Bir həftə sonra “Atəşgah Həyat” Sığorta ASC-nin Direktorlar Şurasının sədri İntiqam Hüseynov istefa verdiyi məlum olub.