Xaricdə mühacir həyatı yaşayan Elşad Tofiq oğlu Məmmədovun barəsində olan qiyabi icraatda araşdırılan cinayət işi üzrə ibtidai istintaq başa çatıb.
Teleqraf-ın əldə etdiyi xəbərə görə, E. Məmmədovun barəsində olan cinayət işi üzrə istintaq avqustun 11-də tamamlanıb.
E.Məmmədov və onun vəkilinə hüquq və vəzifələri izah edilib. Onlara 2025-ci il avqustun 19-dan etibarən cinayət işi ilə tanış olması üçün vaxt məhdidiyyəti qoyulmadan Baş Prokurorluğun İstintaq İdarəsinin inzibati binasında şərait yaradılacaq.
E.Məmmədova izah edilir ki, istintaqa gəlmədiyi halda Cinayət-Prosessual Məcəlləsinin 467-13.4-cü maddəsinin tələbinə əsasən barəsində qiyabi icraat üzrə iş məhkəməyə göndərilə bilər, məhkəmənin qiyabi hökmü və ya digər yekun aktının çıxarılması ilə nəticələnə bilər.
Qeyd edək ki, Elşad Məmmədovun Azərbaycan Cinayət Məcəlləsinin 12.1, 281.2-ci maddəsi ilə 5 may 2022-ci il tarixdə təqsirləndirilən şəxs qismində cəlb olunması barədə qərar qəbul edilib.
Qərara əsasən, onun 2021-ci ilin aprel ayından başlayaraq 2022-ci ilin may ayınadək internet informasiya resurslarında qabaqcadan əlbir olan bir qrup şəxs halında Azərbaycan Respublikasında hakimiyyətin zorla ələ keçirilməsinə, zorla saxlanılmasına və Azərbaycan Respublikasının konstitusiya quruluşunun zorla dəyişdirilməsinə yönələn açıq çağırışlar etməklə bu cür məzmunlu materialları internet resurslarında yaymasına əsaslı şübhələr müəyyən edilib.
Elşad Məmmədovun Azərbaycan Cinayət Məcəlləsinin 12.1, 281.2-ci maddəsi ilə 5 may 2022-ci il tarixdə təqsirləndirilən şəxs qismində cəlb olunması barədə qərar qəbul edilib. Qərara əsasən, onun 2021-ci ilin aprel ayından başlayaraq 2022-ci ilin may ayınadək internet informasiya resurslarında qabaqcadan əlbir olan bir qrup şəxs halında Azərbaycan Respublikasında hakimiyyətin zorla ələ keçirilməsinə, zorla saxlanılmasına və Azərbaycan Respublikasının konstitusiya quruluşunun zorla dəyişdirilməsinə yönələn açıq çağırışlar etməklə bu cür məzmunlu materialları internet resurslarında yaymasına əsaslı şübhələr müəyyən edilib.
Elşad Məmmədov istintaqdan qaçıb gizləndiyi üçün 05 may 2022-ci il tarixli qərarla barəsində axtarış elan edilib və Bakı şəhəri Binəqədi Rayon Məhkəməsinin həmin tarixli qərarı ilə barəsində həbs qətimkan tədbiri seçilib.
