Ukrayna Rusiyanın enerji infrastrukturuna misli görünməmiş intensivliklə zərbələr endirir. Bu isə Rusiyada son onilliklərin ən ciddi yanacaq böhranını dərinləşdirir.
Axar.az xəbər verir ki, bu barədə "Faynənşl Tayms" mənbələrə istinadla məlumat yayıb.
Məlumata görə, Ukrayna may ayında Rusiyanın neft emalı zavodlarına 16 uğurlu zərbə endirib, bu da bir ay ərzində qeydə alınan rekord göstəricidir:
"2026-cı ilin əvvəlindən etibarən Rusiyanın neft emalı zavodlarına ən azı 194 zərbə endirilib, bu da ötən ilin eyni dövrünün göstəricisindən 11 dəfə çoxdur. Bu il Ukrayna və Rusiya da dronlar və raketlər vasitəsilə rekord sayda zərbələr endirib.
Rusiyanın Putinin maksimalist məqsədlərinə yönəlməsi Moskvanın gələn ilin fevralınadək hər hansı konstruktiv danışıqlarda iştirak etməsini sual altına qoyur. Hazırda ruslar üçün ən arzuolunan ssenari hələ də amerikalıların Ukraynanı onlara "təhvil verməsidir". Onlar hər hansı güzəştə gedəcəklərinə dair zərrə qədər də işarə vermirlər. Bundan əlavə, quru əməliyyatlarının əhəmiyyətli dərəcədə ləngiməsinə baxmayaraq, Putinin Rusiya qoşunlarına ilin sonunadək Donetskin qalan hissəsini ələ keçirmək tapşırığı verdiyi bildirilir".
