““Vətən naminə Tavuş hərəkatı”nın mitinqi zamanı meydanda impiçment yolu ilə hakimiyyət dəyişikliyinə başlanılması prosesi elan edilən gün də başa çatdı.

Arxiyepiskop Baqrat Qalstanyan Baş nazir Nikol Paşinyanın impiçment yolu ilə hakimiyyətdən uzaqlaşdırılacağını, lakin prosesi başa çatdırmaq üçün parlamentdə kifayət qədər səs olmadığını bildirib”.

“Cebheinfo.az” xəbər verir ki, bunu “Joqovurd” qəzeti yazır:

Parlamentarizmin İnkişafı üzrə Beynəlxalq Mərkəzin direktoru Qoar Meloyan gündəlik “Joqovurd” qəzetinə müsahibəsində bu prosesin necə həyata keçirilməli olduğunu açıqlayıb:

“İmpiçment Baş nazirə etimadsızlığın ifadəsi prosesidir və bu proses uğurlu olarsa, baş nazirin istefasını və yeni baş nazirin seçilməsini nəzərdə tutur. Deputatların 1/3-i, yəni 36 nəfəri Baş nazirə etimadsızlığın ifadə edilməsi haqqında parlamentə qərar layihəsi təqdim etməlidir. Bundan sonra Baş nazir vəzifəsinə yeni namizədin adı açıqlanır.

48-50 saatdan sonra Baş nazirə etimadsızlıq məsələsi parlamentin qarşıdan gələn növbədənkənar iclaslarında, növbəti iclaslar müəyyən edilmiş müddətdə keçirilmədikdə isə qanunla dərhal çağırılan növbədənkənar sessiyada müzakirə edilir.

Layihə üzrə səsvermə təqdim edildikdən 48-72 saat sonra keçirilir. Qərar deputatların ümumi sayının səs çoxluğu - lehinə 54 səslə təkrar səsvermə yolu ilə qəbul edilir”.

“Əgər layihə qəbul olunmazsa, o zaman məsələnin müzakirəsi başa çatmış sayılır, layihə dövriyyədən çıxarılır və belə bir layihə altı aydan tez olmayaraq təqdim oluna bilər”, – Qoar Meloyan “Joqovurd” qəzetinə hüquqi mexanizmləri təqdim edib.

Yada salaq ki, səkkizinci çağırış parlamentin IX sessiyasının başa çatmasına təxminən 2-3 ay qalıb və müxalifət indi impiçment proseduruna başlasa, onu başa çatdırmaq iki baxımdan çətin olacaq. Çünki “Mülki Müqavilə” Partiyasından 20 deputatın prosesə qoşulması ehtimalı çox azdır, bu, həm də vaxt baxımından mümkün görünmür:

“Ovik Ağazəryan və Akop Aslanyan prosesə qoşulsalar belə, bu, həyata keçirilməyəcək. Belə çıxır ki, növbədənkənar parlament seçkiləri iki halda keçirilə bilər: ya hakim fraksiyadan 20 deputat impiçment proseduruna qoşulmalı, ya da növbədənkənar parlament seçkiləri hakim fraksiya tərəfindən başlamalıdır”.