"ABB Bank kartımda dollarla bir neçə dəfə, bir xeyli mədaxil, məxaric eləmişdim axırıncı pulumu çıxarandan sonra balans sıfır idi..." "DİA-AZ" xəbər verir ki, bu barədə AZBank Klubu sosial qrupundakı paylaşımında Cavid adlı istifadəçi gileylənir.
Narazı vətəndaş daha sonra başına gələnləri belə nəql edir: "Keçən dəfə baxıram ki, balans "–4.29$" göstərir. Bu barədə proses ərzində heç bir məlumat verilməyib. Sonradan mənfi balans göstərilməsindən aydın olduğu kimi.
Bankın özünə "app"dan yazdım, bildiyiniz, bildiyim ehtimal olunan cavab verildi ki, məzənnə dəyişikliyi olub. Bu mənim problemimdir? Mənim məlumatım yoxdursa, mən ATM-də, appdə göstərilən məlumatlara əsasən proses aparıramsa, sonra "–4.29$" balans niyə yaranmalıdır? Bəlkə elə "–100$" eləyərdilər ki, bəs bizdə beləymiş?.."
