Yeni il yaxınlaşdıqca, insanlar bayramı necə və harada qeyd edəcəklərini planlamağa başlayırlar.

Bəziləri bu əlamətdar günü ailəsi ilə evdə keçirməyi üstün tutarkən, bəziləri isə rayonlarda və yaxud xaricdə səyahət etməyi seçir. Bayram ərəfəsində hotellərin qiymətləri adi günlərlə müqayisədə əhəmiyyətli dərəcədə dəyişir və bu da planlama prosesində daha böyük diqqət tələb edir.

“Cebhheinfo.az” bayram günündə hotel qiymətləri ilə bağlı araşdırmanı təqdim edir:

*Basqal Resort & Spa dekabrın 31-i və yanvarın 1-i tarixlərində keçiriləcək Yeni İl Qala gecəsi üçün xüsusi paketlər təklif edir. Minimal rezervasiya iki gecə üçün nəzərdə tutulub. 2 nəfər qonaq üçün “Standard” otaqların qiyməti 1860 AZN, “Superior” otaqlar 1900 AZN, “Deluxe Suite” otaqlar isə 2000 AZN təşkil edir. Daha böyük ailələr üçün 4 nəfərlik “Family Suitelər” 3800 AZN, 5 nəfərlik kotteclər isə 5030 AZN-dən başlayır.

Qiymətə açıq bufet şəklində səhər və şam yeməyi, dekabrın 31-də keçiriləcək Qala gecəsi, canlı musiqi və əyləncə proqramı daxildir. Həmçinin qonaqlar resortun SPA imkanlarından (qapalı hovuz, sauna, buxar otağı, qadınlar üçün türk hamamı, fitnes zalı) və uşaqlar üçün oyun zonası və uşaq otağından faydalana bilərlər.

* “Lachin Resort” da dekabrın 31-i və yanvarın 1-i tarixlərində Yeni İl Qala gecəsi üçün müxtəlif paketlər təqdim edir. 2 nəfər üçün “Superior” otaqlar 1640 AZN, “Superior King Balcony” otaqlar 1740 AZN, “Superior King Terrace” otaqlar 1840 AZN, “Deluxe Suite” otaqlar 2040 AZN, “Deluxe Suite Balcony King” otaqlar 2240 AZN, “Corner Suite King” otaqlar isə 2040 AZN qiymətindədir.

Daha böyük ailələr üçün 4 nəfərlik “Grand Suite Terrace” 4500 AZN, 4 nəfərlik “Standard Cottage” 2250 AZN, 6 nəfərlik “Grand Cottage” isə 5500 AZN-dən başlayır. Qiymətə açıq bufet səhər yeməyi, dekabrın 31-də Qala gecəsi, SPA və idman imkanları daxildir. Qonaqlar hovuz, sauna, türk hamamı, duz otağı, idman zalı, uşaq meydançası, mini futbol və basketbol meydançasından istifadə edə bilərlər.

*”Marxal Resort & Spa” minimal rezervasiya iki gecə olmaqla 2 nəfərlik qonaqlara “Standard” eyvansız və eyvanlı otaqları 1600 AZN, “Deluxe Suite” otaqları 1680 AZN, “Corner Suite” otaqları 1740 AZN, “Marxal Suite”-ləri isə 1800 AZN qiymətinə təqdim edir. Daha böyük ailələr üçün 3 nəfərlik “Standard Triple” otaqlar 2100 AZN, 4 nəfərlik “Ambassador Suite”-lər 3340 AZN səviyyəsindədir.

Qiymətə səhər yeməyi, dekabrın 31-də Qala gecəsi, canlı musiqi, əyləncə proqramı, uşaq otağı, uşaq zonası və müəyyən SPA xidmətləri daxildir. *”Shabran Wellbeing Resort” dekabrın 31-dən yanvarın 2-dək Yeni İl tətili üçün xüsusi paketlər təklif edir. 2 nəfərlik qonaqlar üçün “Superior” otaqlar 640 AZN, “Deluxe Suite” otaqlar 760 AZN, kotteclər 780 AZN, 4 nəfərlik “Family Suite”-lər isə 1200 AZN təşkil edir. Qiymətə səhər yeməyi, canlı musiqi, əyləncə proqramı, uşaq oyun zonası və uşaq otağı daxildir. Resortun SPA imkanları (qapalı hovuz, sauna, buxar otağı və kardio zalı) qonaqların istifadəsinə açıqdır.

*”Shamakhi Palace Sharadil” isə 31 dekabr – 2 yanvar tarixlərini əhatə edən xüsusi Yeni il paketini təqdim edir. 2 gecə, 3 gün qonaqlama və gündə 3 dəfə qidalanma paketə daxildir. 31 dekabr gecəsi keçiriləcək Qala Gecəsində bütün alkoqollu və alkoqolsuz içkilər ödənişsiz təqdim olunur.

1 yanvar günü nahar və şam yeməkləri açıq bufet formatında təşkil edilir və hər iki yeməkdə içkilər pulsuzdur. Qiymətlər 31 dekabr – 2 yanvar üçün paket 10% endirimlə 1782 AZN-ə təklif olunur. 2–3 yanvar tarixləri üçün 2 dəfə qidalanma ilə paket 428 AZN, 3 dəfə qidalanma ilə paket isə 473 AZN səviyyəsindədir.