Mövzu ilə bağlı psixoloq Samirə Bağırova Ajans.az-a açıqlama verib.

Samirə Bağırova bildirib ki, sualların hamısı eyni bir kökə bağlanır. Yəni, insan nə üçün səlahiyyəti olmayan yerlərdə özünü güclü göstərir,sərhədi aşır və ya özünü nəzarətsiz aparır? O özünün də, bu hallara şahidi olduğunu deyib.

Bir çox taksi sürücüləri, guya müvəqqəti olaraq taksi işində çalışdığını vurğulayırlar. Bu eqonun kiçik də, olsa özünü müdafiə etməsidir. Sərnişin yanında özünün sosial üstünlüyünü qabardır. Çünki, eqo bu sahədə çalışmağı sığışdırmır özünə. Bəzən sərnişin qadın olduğu halda, bəzi kişi sürücüləri qadını öz maraq obyektinə çevirir. Beynində fantaziya qurur. Əgər qadın sərnişinin davranışı da, adekvat olmasa, anidən sürücünü kobudlasa, və ya əvvəlcə səmimiyyət qurub, sonra soyuq cavablandırsa,bu artıq təhlükəli tərəfə keçid edərək aqressiya oyadır.

Psixoloqun sözlərinə görə, əgər sürücü içkili ya da, narkotik maddə təsiri altında sükan arxasına keçə bilirsə, buna əsas səbəblər var. Sürücüyə təyin olunan cəza mexanizmləri əgər davranışda hər hansı dəyişiklik yaratmırsa, cəzalar daha da sərt olmalıdır.

Həmçinin, vurğulanıb ki, bu yalnız fərdi problem olmadığından,bu kimi problemlərin həlli üçün, dövlət və ya təşkilat səviyyəsində və sistemli şəkildə dəyişikliklər olmalıdır. Mədəniyyət və mənəviyyat baxımından kasad olmaq isə təhsil və nəzarət zəifliyidir. Qaydanı pozan sürücü bir dəfə cəza alıb, sonra beş dəfə cəza almırsa və cəzası pul müqabili ilə əvəz olunursa, bu mədəniyyətsizliyə görə rüşvət ödəməkdir. Fakt olaraq, şirkət sürücüləri heç bir psixoloji testdən keçmir, guya keçirsə də, qeyri- ciddi şəkildə, sadəcə formal məqsədlə nümayiş etdirilir. Hər kəs bir- birini aldadır. Eləcə də, əgər dövlət davranış etikası üzrə tələb və şikayətləri ciddiyə almırsa, tətbiq etmirsə, o zaman cəmiyyətdəki kobudluq normaya çevrilir. Sonra bu norma “ mental dəyər “ ə dönür. Bu isə artıq dövlətin siyasət qüsuru hesab olunur.

“Sərnişin taksiyə əyləşmədən öncə, məsafəni, ünvanı təkrar söyləməlidir. Cavaba əsasən təxmini də olsa, hansı bir sürücü ilə yola çıxdığına əmin olmalıdır. Sürücü ilə kommunikasiyaya girmək istəmirsə, bunu mədəni şəkildə bildirməklə konfliktdən yayına bilər. Əks təqdirdə, elə sürücünün yanında dövlət orqanlarının “ qaynar xətti “ i ilə əlaqə saxlayaraq, şikayətini bildirə bilər.”-deyə, psixoloq söyləyib.

Sonda qeyd edilib ki, əgər taksi şirkətləri sərnişinlərə yüksək xidmət göstərilməsi-prinsipini əsas götürərək, bu qaydalara əsasən personalı işə alsalar, həm sərnişin və taksi şirkətlər arasında əməkdaşlıq güclənər,həm xidmət standartları yüksələr,həm də təbii ki, ictimai etimad güclənər. Amma təəssüf ki,bu gün cəmiyyətdə nə keyfiyyətə dəyər verən var,nə də etimadı önə çəkən. Hamı yalnız pulu düşünür, nəticəni deyil. Ona görə də, aqresiyya, mədəniyyətsizlik, etikaya uyğun olmayan söz-söhbətlər hər zaman hökm sürəcək. Bu şəkildə isə əvvəlcə münasibətlər, sonra cəmiyyət, daha sonra dövlət daxildən zəif düşəcək.