Bir müddət əvvəl Sabunçuda tunel inşa edərkən ona suların axması üçün drenajlar tikmədiyi üçün faciəyə səbəb olmuş şirkətə daha bir böyük tender verilib.
Tribunainfo.az xəbər verir ki, Tikilməkdə olan Obyektlərin Müdriyyəti yeni tender keçirib və dünən nəticəni açıqlayıb.
Məlum olub ki, Zəngilan şəhərinin magistral su xətlərinin, tullantı, yağış kollektorlarının və qurğularının tikintisinin LS sənədlərinin hazırlanması və tikintinin həyata keçirilməsi işləri üzrə tenderin qalibi “məşhur” “KÖRPÜ-BİNA-TİKİNTİ” MMC olub. Tərəflər arasında işlərin görülməsi məqsədi ilə 6 milyon 314 min 322 manatlıq müqavilə imzalanıb.
Görəsən, Sabunçuda baş verən hadisə Zəngilanda təkrarlanmayacaq? Ümid edək ki, suların axması üçün bu dəfə nasoslar quraşdırmağı və drenajlar tikməyi unutmazlar.
