Azərbaycan Respublikasının Baş prokuroru cənab Kamran Əliyevə:
Daxili İşlər Naziri cənab Vilayət Eyvazova:
Bakı şəhəri Sabunçu rayonu Balaxanı, 2 mədən küçəsi Ev(Bina): 0643 Mənzil:0196 ünvanda yaşayan
Azerbaycanrealligi.com saytının baş redaktoru Babayev Dəyanət Səxavət oğlu tərəfindən
Əlaqə nömrəsi (0558288841)
Müraciət:
Cənab nazir və baş prokuror!
Cənab nazir və baş prokuror! 7 ilə yaxındır media fəaliyyəti ilə məşğul oluram. Hər zaman dövlət və dövlətçilik prinsiplərini qorumuşam. "Azərbaycan Reallığı" saytını təsis etmişəm. Sizlər Baş prokuror və nazir təyin olunduqdan sonra media nümayəndələri və jurnalistika arasında demək olar böyük bir dostluq körpüsü yaranıb.
Hər zaman sizin rəhbərlik etdiyiniz qurumlarla media sahəsində sıx əməkdaşlıq etmişəm, polis və prokurorluq əməkdaşlarının, o cümlədən nazirlik və Baş Prokurorluq əməkdaşlarının istənilən tövsiyyələrinə hörmətlə yanaşmışam. Ölkəmizdə həssas bir zamanda istəməzdim ki, sizlərin rəhbərlik etdiyiniz qurumların əməkdaşlarını şəxsi məsələ ilə bağlı narahat edəm amma buna məcburam. Çünki artıq çox ciddi şantaj-böhtanla üz-üzə qalmışam.
Cənab Nazir və Baş Prokuror!
Təxminən 4 il öncə tanıdığım, özünü “Quseynoff” MMC-nin direktoru və iş adamı kimi özünü qələmə verən Emin Hüseyinovla tanış olmuşam. Rəhbərlik etdiyim xəbər saytı və səhifəsi ilə onunla piar və reklam paylaşım xarakterli kiçik məbləğdə ödəniş müqabilində əməkdaşlıq etmişəm.
Daha sonra onun Gəncə şəhərində yerləşən və şərab zavodunun Qida Təhlükəsizliyi Agentliyinin əməkdaşları tərəfindən aparılmış plandankənar yoxlama zamanı saxta içkilər istehsal etdiyi barəsində toplanmış materialların araşdırılması üçün prokurorluq orqanlarına göndərilməsi, daha sonra dövlətə 174 minə yaxın vergi borcu olması haqqında bəzi xəbər saytlarından məlumatlar alaraq onunla əməkdaşlıqa son qoymuşam. Elə həmin vaxtdan da mənimlə şəxsi qərəzlik aparır.
"TikTok" platformasında qeyri-etik paylaşımlar və "Baboş" ləqəbli "TikTok"erlə yaxınlığı ilə tanındığı üçün mediada gedən iddialara görə ona bahalı hədiyyələr və maşın bağşladığı üçün xəbər saytlarının gündəmindən demək olar düşmür. Şirkəti haqqında gedən qurumların rəsmi məlumatları saytlarda dərc olunduqda məni günahkar bilir.
Qeyd edir ki, guya onun barəsində hansısa böhtan xarakterli xəbərləri mən paylaşdırıram amma araşdırma aparanda məlum olur ki, onun barəsində verilən bütün xəbərlər rəsmi qurumların rəsmi xəbərləridir və faktlara söykənən xəbərlərdir. Mənimlə əməkdaşlıq etdiyi zaman hər 2-3 aydan bir hissə-hissə verdiyi aylıq 80-100 manatı da vaxtında vermirdi. Hələ bu günə kimi mənə borcu var. Mən sonuncu dəfə Emindən halal haqqımı istəyəndə mənim səsimi yazırdı, deyirdi bunu paylaşaram səni reket kimi tutarlar.
Mən ona illirdir ürək çatışmamazlıqı xəstəliyindən əziyyət çəkdiyimi, onun üçün də işləyə bilmədiyimi, himayəmdə xəstə anam olduğunu o pula özümə anama dərman alıram deyirdim. Daha sonra mənə tanınmış bir müğənni ilə bağlı xəbər göndərdi. Xəbər saytda dərc olunduqdan sonra ciddi narazılıq yaratdı. Mən sözügedən xəbər həqiqət olmadığı üçün təkzib edib xəbəri sildim indi mənimlə şəxsi qərəzlik edir.
İllər öncə olan səsimi "TikTok" səhifələrində yayıb videolar çəkərək paylaşır. Guya bunun işgüzar nüfuzuna zərbə vururam. Təxminən keçən ilin may ayında məni Bakıda yerləşən Fairmont hotelinin restoranına çağırdı. Dedi qazilərə ərzaq aparacam, məni çəkib paylaşarsan hörmət edəcəm. Anamı həkimə aparacaqdım, imkanım yox idi deyə etiraz etmədim. Dedi telefonu ver, bir nəfər xanım var məni blok edib sənin səhifəndən onun paylaşımlarına baxım.
Etibar edib verdim, bir neçə dəqiqəlik kənara çəkilib geri dönəndə gördüm telefonuma girib mənim illər öncə münasibətdə olduğum xanımla olan fotoları götürüb. Dedi bunu paylaşacam. Xaiş etdim ki, etmə camaatın ailəsi var. Mənə problem yaradarsan. Söz verdi etməyəcəm, guya fotoları sildi. İndi o fotoları və mənim səs yazılarımı tandığım həmkarlarıma göndərir, sosial şəbəkələrdə paylaşır. Tanıdığım media nümayəndələrinə, bloggerlərə zəng edir onlara göndərir deyir sizdə paylaşın. Onun bu paylaşımlarını xəstə anam görüb dəfələrlə narahat olur. Artıq çıxılmaz durumdayam.
Cənab Nazir və Baş Prokuror!
Aldığım iddialı xəbərə görə bu şəxs bunu tək mənə qarşı etmir. Digər şəxslərə qarşı da edir. Onun üçün sizlərdən xaiş edirəm bu şəxs barəsində hüquq çərçivəsində ölçü götürülməsi üçün aidiyyəti üzrə tapşırıqlar verəsiniz.
Azerbaycanrealligi.com
