Bir neçə gün öncə, Türkiyə prezidenti Rəcəb Tayyib Ərdoğan Azərbaycan müxalifətinin və ölkədəki Qərb çetesinin güvəndiyi ABŞ Mərkəzi Kəşfiyyat İdarəsinin əlavəsi olan "Fredoom House" təşkilatı haqqında olduqca aydın ifadə olunan fikirlər bildirdi.
Avropa.info xəbər verir ki, Türkiyə prezidenti ölkəsini "insan haqları"na görə, tənqid edən "Fredoom House" (Azadlıq Evi) təşkilatı haqqında jurnalistlərin sualını açıq - aydın hiss olunan istehza ilə belə cavablandırdı.
"Freedom House kimi təşkilatların dünyada nüfuzu filanı yoxdur . Bunların nüfuzu sıfırdır . Bunlar özləri haqqında bir fikir formalaşdırıb, özlərinə bir dəyər verirlər. Bunlar məlum çevrələr tərəfindən təsis olunmuş təşkilatlardır . Bilirsiniz ki, dünyada bu cür təşkilatlar var. Bu təşkilatları xüsusi olaraq qurub, üzərlərinə vəzifə yükləyib, özləri çalıb, özləridə oynadırlar. Birdəfəlik bu həqiqətləri bilməyimiz lazımdır.
Bir dəfə bunlar mənimlə görüşdülər. Dedilər ki, Türkiyədə məhbus jurnalistlər var. Dedim ki, kimdir bunlar? Dedilər ki, çoxdur. Dedim ki, neçə nəfərdilər, mənə rəqəm verin. Deyə bilmədilər."
Həqiqətən də, belədir. Siz indiyə kimi , Fredoom House Təşkilatının bir nümayəndəsinin Azərbaycanda insan haqları ilə bağlı araşdırma apardığını gördünüzmü? Görməmisiniz, görə də bilməzsiniz. Bəs o zaman nədən bu təşkilat Azərbaycanla bağlı yayılan bütün mənfi hesabatların başında durur ?
Siyasi prosesləri izləyən vətəndaşlarımız bilirlər ki, Fredoom House təşkilatı bəzən illərlə Azərbaycan haqqında heç bir mənfi hesabat yaymayıb. Bu o dövürlərə təsüdüf edir ki, Azərbaycan hökumətininin ABŞ-la qarşılıqlı normal münasibətləri olub.
Sadə bir aksiomadır . Bunun üçün dağa-daşa düşməyə də dəyməz. Azərbaycanın ABŞ-la münasibətləri pisləşən kimi, Mərkəzi Kəşfiyyat İdarəsinin nəzarətində olan Fredoom House kimi çoxsaylı təşkilatlar hərəkətə keçir. Tənqid etdikləri ölkələrdə bir dəfə belə olmayan bu qrumlar, ABŞ-ın mənafeyi üçün, hesabatlar hazırlayır və bunları dünyaya sırımağa çalışırlar. Təbii ki, belə hallarda informasiya mənbələri isə həmin ölkələrdəki ABŞ-ın casus şəbəkəsi olur.
Təbii ki, bu fikirlərə ağız büzənlər olacaq. Amma , ortada faktlar var. Düzdür , bu fikir YAP-çı deputatlar tərəfindən o qədər işlənib ki, artıq çeynənmiş hala düşüb. Amma, yenə də Fredoom House təşkilatının öz ata- baba yurdundan qovulan azərbaycanlı qaçqınlar barədə bir dənə də olsun hesabatına rast gəldinizmi? Onların hüquqları tapdanmayıbmı? Və yaxud, 2001-ci ildə Əfqanıstanı işğal edən ABŞ-ın törətdiyi qətliam nəticəsində 1 milyon, İraqda yaradılan xaos nəticəsində 2 milyondan çox insan həyatını itirib. Hanı Fredoom Housenin ABŞ-ı heç olmasa tənqid edən hesabatları. Yaxud da, ABŞ -ın insanlara işgəncə verməklə məşhurlaşan Quantanamo həbsxanasına, nədən "insan haqlarının çarçısı" Fredoom House səssizdir? Müdafiə etdiyi ölkənin Quantanamo kimi vəhşixanası olan təşkilatın adı necə "Azadlıq Evi" ola bilər? Bəlkə, elə "İşgəncə Evi" olsun ?
ABŞ-da son iki ayda 10-larla qaradərili vətəndaş polis tərəfindən güllələnib. Fredoom Housedən isə səs çıxmır. Təsəvvür edirsinizmi, Azərbaycanda bir mitinqçi aksiyada ölsə Fredoom House nə oyun çıxardar ?
Lakin bu da tam deyil. "Fredoom House"nin ABŞ-ın hakimiyyət dəyişikliyi etmək istədiyi ölkələrdə aktiv şəkildə "dövlət çevrilişi" oyunlarında iştirak etdiyi də məlumdur. Özü də , bu qrumun da iştirak etdiyi "dövlət çevrilişi" planları nəticəsində, heç də "demokrat" "insan haqlarına dəyər verən" bir hakimiyyətlər qurulmayıb.
Məsələn götürək, elə son illərin ən yadda qalan hadisəsi. Misir tarixində ilk dəfə seçim yolu ilə prezident olan Məhəmməd Mursi , 1 ildən sonra , ABŞ -ın dəstəklədiyi general Sissi tərəfindən devirilir.
Misirin demokratik yolla seçilmiş prezidenti Məhəmməd Mürsinin xunta rejimi tərəfindən devrilməsinədək Misirdə "Freedom House" kimi ABŞ QHT-lərinin çoxsaylı təxribatları təşkil olundu. Xüsusilə, xristian və müsəlmanlar arasında dini zəmində yaradılan iğtişaşlar buna nümunədir. Təxribatlar eynən 1960-cı ildə Türkiyədə Adnan Menderesin devrilməsinə hazırlıq planlarını xatırladırdı. Sabotajla məşğul olan amerikan QHT sədrləri həbs olundu, təşkilatlar bağlandı. Bu dəfə ABŞ dövləti Mursini Misir ordusuna hər il verdiyi milyardlarla pulu kəsməklə şantaj etdi. Ordu ələ alındı. QHT-lərlə start verilən çevriliş planı hərbi xuntanın qələbəsi ilə başa çatdı. "Fredoom House"nin də iştirak etdiyi çevriliş nəticəsində, əli qanlı general Sisi hakimiyyətə gəldi ki, artıq bunun nəticələri məlumdur...
Qayıdaq bu qrumun ABŞ MKİ-sinin əlavəsi olması məsələsinə . Bu bizim iddia deyil, konkret faktlardır və bizim ölkədəki kor zehniyyətdən başqa dünyanın heç bir yerində heç kim bu qrumun hesabatlarına diqqət yetirmir.
"Freedom House" (azadlıq evi) – Mərkəzi qərargahı Vaşinqtonda yerləşən qeyri-hökumət təşkilatıdır.
Büdcəsinin 66-80%-i ABŞ hakimiyyəti tərəfindən maliyyələşdirilir.
1941-ci ildə əsası qoyulub. 1978-ci ildən dünyada siyasi və vətəndaş azadlıqlarının tədqiqatı ilə məşğuldur. Reytinqlərini ekspertlərin sorğusu əsasında hazırlayır. Təşkialtın missiyası dünyada baş verən demokratik dəyişikliklərin monitorinqidir. Bir qisim hüquq müdafiəçiləri, politoloqlar təşkilatı ideoloji cəhətdən tərəf tutmaqda, habelə MKİ (CİA) ilə əməkdaşlıqda ittiham edirlər.
ABŞ Dövlət Departamentinin və USAİD təşkilatının hesabına maliyyələşir. Bundan əlavə “National Endowment for Democracy” kimi fondlar da bu təşkilata maliyyə dəstəyi verir.
Hal-hazırda təşkilatın prezidenti Uilyam Taftdır. 2005-ci ilədək isə təşkilata MKİ-nin sabiq sədri Ceyms Vulsi rəhbərlik edib. Yəni dünyada ən çox adı işgəncələrdə, dövlət çevrilişlərində və ən çeşidli "qara işlərdə" adı hallanan MKİ-nin rəhbəri Ceyms Vulsi birdənbirə "insan haqları müdafiəçisi" olur və "Fredoom House"yə rəhbərlik etməyə başlayır.
Hər şey aydın deyilmi? Bizim də, Ərdoğan demiş, artıq bunları birdəfəlik bilməmiz lazım...
Ruslan Bəşirli
