Siz kimsiz, Tofiq Dadaşov? Gələcəyi görən adam, falçı, ekstrasens , yoxsa parapsixoloq, sualına özü, mən sadəcə Tofiq Dadaşovam, cavabını verir. Deyirlər ki, hər bir insan istedadlı doğulur, amma heç də hamının bu istedadı üzə çıxarmaq şansı olmur. Və əgər insana adi istedad deyil, qeyi-adi bacarıq, zəka verilirsə, o , çox çətin seçim qarşısında qalır- bundan xeyir və ya şər naminə istifadə etmək, bu bacarlğı öz maraqları üzündən necə gəldi xərcləmək və ya insanlara kömək etmək? Analitik.az xəbər verir ki, Tofiq Dadaşov öz seçimini bir dəfə və həmişəlik etmiş, bütün dünyanın qəbul etdiyi nadir fenomen insandır.
Dadaşov Bakıda anadan olub, çoxuşaqlı ailədə boya-başa çatıb. Məktəbdə yaxşı oxuyurdu. Oğlanın ədəbiyyata xüsusi marağı vardı. Ədəbiyyat müəlliminin əzbərdən şeir oxuması onun çox xoşuna gəlirdi. Bir dəfə Tofiq uşaq sadəlöhvlüyü ilə öz-ozündə düşündü ki, görəsən, doğrudanmı o, səhv edə bilməz və xəyalında onun səhvə yol verməsini arzulayıb. Və birdən müəllimə çaşmağa başlayıb və elə həyəcanlanıb ki, hətta sinifdən çıxmalı olub. O zaman ilk dəfə Tofiq anlayıb ki, onda nə isə bir qeyri-adi bacarıq var, amma sona qədər başa düşə bilmədiyindən, bu haqda heç kimə heç nə danışmayıb. O, ev tapşırıqlarını həll etmədən cavablandırırdı, küsülü dostlarını barışmağa xəyalən məcbur edirdi, bilyard klubunda təzə öyrənənlərə heç də düzgün oyun aparmayan "ustaları" udmaqda kömək edirdi, boks bölməsində rinqdə düşmənin hərəkətlərini qabaqcadan xəbər verir və hər bir zərbədən məharətlə yayındırırdı.
1966-ci ildə Tofiq Moskvaya köçür, burada sonralar Рњoskva konsert zalında psixoloji təcrübə proqramı ilə çıxış etməyə başlayır. Dadaşovun heyrətamiz bacarığı elmi-tədqiqat institutlarında və hətta DTK da yoxlanılıb. O, bütün testlərdən səhvsiz keçib və qeyri-adi istedadı ilə professor və generalları mat qoyub.
Dünyanın ən böyük mediumu
1973-ci ildə Dadaşovu SSRİ Elmlər Akademiyası nümayəndə heyətinin tərkibində Praqaya psixotronların problemlərinin araşdırılması birinci Beynəlxalq konqresə dəvət etdilər. Başqalarının fikirlərini səhvsiz oxumaq kimi fenomenal məharəti orada hər kəsi təcəəccübləndirmişdi. "Mən uzaq məsafədən üç telepatik təcrübədən keçdim. Amerika alimləri nümayəndə heyətindən bir qadın seçdilər və ona ürəyində bir söz tutmaq tapşırıldı. Mən qadından 25-30 metr məsafədə idim. İngilis dilini bilmədiyimdən, "bakster" sözünü, mənasını bilmədən, necə hiss etdimsə, elə də dedim. Gözlənilmədən zaldan səs-küy qopdu, heyrət dolu nidalar eşidildi. Məlum oldu ki, bu, konqresdə iştirak edən amerikalı böyük alimin adıdır - Klif Bakster" – deyə sonradan Dadaşov xatırlayırdı. Məşhur yalan detektorunun müəllifi, amerikalı alim Klif Bakster Dadaşovu dünyanın ən güclü Рјediumu adlandırmışdı.
DTK ilə əməkdaşlıq
Həm Moskvada və həm də Bakıda Dadaşov milis və DTK ilə əməkdaşlıq edib, xarici casusları və təhlükəli cinayətkarların aşkar edilməsində yaxından iştirak edib. Onun iştirakı sanki görünməz qalırdı, lakin xidmətləri həmişə dövlət tərəfindən qiymətləndirilib və ona çoxsaylı mükafatlar və adlar verilib. Təyyarənin qaçırılmasının qarşısının alınması, sərnişinlərin təhlükəsizliyinin təmini və cinayətkarın yaxalanmasına görə Azərbaycan SSR ( o zamanın ən ali mükafatı) Ali Soveti rəyasət heyətinin Fəxri fərmanı ilə təltif olunmuşdu. Sonralar Moskva və Bakı DTK-sı qərargah rəhbərləri bu əməliyyatı qeyri-adi, nadir əməliyyat adlandırdılar. Hadisə isə belə baş vermişdi: 31 mart 1989-ci il Bakı hava limanında göyərtəsində böyük oğurluqlar və cinayətlər törədən, ümumittifaq axtarışında olan terrorçu Stanislav Hoppandın olduğu təyyarə eniş edib. O iddia edirdi ki, salonda onun iki yoldaşı var, yük yerində isə partlayıcı qurğu yerləşdirilib. Əgər şərtləri yerinə yetirilməsə, təyyarəni partladacağı ilə hədələyən terrorçu Pakistana uçuş imkanı və böyük məbləğdə pul tələb edirdi. Bakıya iki dəfə Sovet İttifaqı Qəhrəmanı Viktor Рљarpuxinin başçılıq etdiyi "Alfa"qrupunu təcili yollayırlar. Cinayətkarın zərərsizləşdirilməsi üçün əməliyyata başlamazdan öncə, hava limanında toplaşan DTK və DİN rəhbərləri Dadaşovla məsləhətləşmək qərarına gəlirlər. Dadaşovdan cinayətkarı saat 11-dək gözləməsinə nail olmağı xahiş ediblər. Tofiq Dadaşov cinayətkarı inandırmalı idi ki, respublikada bu qədər külli miqdarda pul olmadığından, valyutanı Moskvadan gətirməlidirlər. Lakin terrorçu ilə Azərbaycan XİN əməkdaşı adı altında bir-iki dəqiqə ünsiyyət Dadaşova kifayət edir ki, terrorçunun uydurduğunu hiss etsin. Sən demə onun nə silahdaşları, nə də partlayıçı qurğusu olub. O, əməliyyat qərargahına öz ehtimalları barədə məlumat verib. "Alfa" bir neçə dəqiqə ərzində əməliyyat keçirir. Partlayıcı qurğu isə adi zəngli saat imiş.
“Karpov bir insan kimi daha çox xoşuma gəlirdi”
Müraciət edənlərə də kömək edirdi. 1980-cı illərin sonunda o, Bakıda xeyriyyə parapsixoloji yardım Mərkəzi təşkil edib, 2000-ci ildə isə bu mərkəz Moskvada da açılıb. Psixoloji yardım təcrübəsində Dadaşovdan ən məşhur istifadə hadisəsi Harri Kasparovun Anatoli Karpov üzərində 1980-cı illərin ortalarında dünya çempionu adı uğrunda mübarizə zamanı olub. Dadaşov etiraf edib ki, həmvətənli olduğu üçün Kasparova kömək etmək istəyirdi, ona inam vermək istəyirdi. Dadaşov hər bir partiyadakı gedişi qabaqcadan dəqiq xəbər verirdi və bununla da Kasparovun qələbəsini təmin etmiş olub. Bu zaman Dadaşov həmişə deyirdi ki, Kasparov özü oynayıb, o, özü şahmatda o qədər də səriştəli deyildi, yalnız onun qələbəsi üçün əlverişli şərait yaradırdı. Sonralar Dadaşov etiraf edib ki, insan kimi Karpov daha çox xoşuma gəlirdi : “İnandırıram ki, burda məsələ hansısa milli ədavətdə deyil. Kasparovun Karpovu bir insan kimi məhv etmək istəməsini görmək xoşuma gəlmirdi. Sonra isə məşqçi ilə bir başqa məsələ ortaya çıxdı. Məşqçini təqsirləndirirdilər ki, guya ki, o Karpova Kasparovun gedişlərini "satırmış” və buna görə də Harri onu komandasından qovdu... Mən Kasparovun komandasının bütün üzvlərini görmüşdüm. Onlar vicdanlı və sadiq idilər. Mənim Kasparova köməyim gizli saxlanılırdı. Harrini dayandırmaq üçün "sirri açmaq” qərarına gəldim."
O da məlumdur ki, Tofiq Dadaşov Əzizə Mustafazadənin mükafatçılar sırasında yer alması üçün ABŞ-da Ümumdünya Caz müsabiqəsində gənc istedadlı pianoçunu psixoloji cəhətdən proqramlaşdırmışdı. Əzizə nəticədə arzulanan yeri qazanmışdı. Yeri gəlmişkən , o, Teymur Rəcəbov haqqında da proqnozunu vermişdi. Doqquz yaşlı şahmatı sevən bu balaca oğlanı, valideynləri Tofiq Dadaşovun yanına gətiriblər. Valideynləri övladlarının bu marağının gələcəkdə bir nəticə verəcəyi ilə maraqlanırdılar. Dadaşov: "Qoy şahmatla məşğul olmağa davam etsin, mənası olacaq, çox istedadlıdır", tərəddüdsüz cavab verib. Teymur Rəcəbov 14 yaşında gənclər arasında dünya çempionu olub. İndi bu azərbaycanlı qrossmeyster, dünyanın aparıcı şahmatçılarından biridir.
Cokondanın sirrli təbəssümü
Tofiq Dadaşovun fenomenal istedadı təkcə parapsixologiya və idmanda deyil, həm də incəsənət sahəsində də geniş məlum olub. O, 1981-ci ildə Leonardo Da Vinçinin "Cokonda"nın psixologi portretini Luvra hədiyyə edib. Medium, Mona Lizanın məşhur gizli təbəssümü haqqında sensasion ehtimal edib: "Budur, Mona Liza Cokonda, on doqquz yaşında. Bu yaxınlarda... Ailə qurub... Bu, onun həyatında ilk portretidir. Sinyor Françeskonun hədiyyəsi... Rəssam indicə onu oturdub. Başını bir az döndərməyi xahiş edib. Əllərinin vəziyyətini bir qədər dəyişib. Ona elə gəlir ki, rəssam onu yaxşı dəyərləndirməyib, çox səthi yanaşıb. O, bir qədər çaşqınlıq hissi keçirir. Lakin bütün bunlar tez keçdi və yüngül dalğa kimi çəkildi, çünki Mona Liza xoşbəxtdi. O, tezliklə ana olacaq, çətin ki, hətta hər şeyi görən senyor Leonardo bunu başa düşür". Yeri gəlmişkən, Cokonda barədə bu versiyanı 2006-ci ildə Fransa və Kanada alimləri təsdiq ediblər. Luvr psixoloji təhlil üçün Dadaşova xüsusi təşəkkürünü bildirib. Həmin əsər indi də Parisin muzeyində eksponat kimi saxlanılır .
Elçibəy ona qulaq asmaq istəməyib
Dadaşovun daha bir unikal xüsusiyyəti - öncədəngörmə qabiliyyəti. Tofiq Dadaşov 1989-ci ildə o vaxtlar hələ çox az tanınan Əbülfəz Elçibəylə söhbətində xəbər verir ki, o, ölkənin prezidenti olacaq. Deyilənlər təkcə Elçibəy üçün deyil, həm də Dadaşovun özü üçün də qəribə gəlirdi, axı o zaman onlar Sovet İttifaqında yaşayırdılar... Lakin üç il sonra Elçibəy müstəqil Azərbaycanın prezidenti olur. Dadaşov həmçinin xəbərdarlıq edib ki, əgər ətrafını dəyişməyəcəksə, Elçibəy hakimiyyətdə uzun müddət qalmayacaq. Amma o, qulaq asmayıb və nəticədə ölkəni bir ildən az müddətdə idarə edərək, istefaya gedib. 1999-ci ilin əvvəlində Dadaşov xəbər verb ki, Boris Yeltsin Rusiya prezidenti vəzifəsindən vaxtından əvvəl gedəcək. O, həmçinin amerikalıların Əfqanıstanı bombardman edəcəklərini görürdü və Dadaşov təkcə hökumətə deyil, həm də adi insanlara, öz şəxsi məsələləri ilə ona görürdü və bunu kifayət qədər dəqiq təsvir edirdi, sonra isə İraqda müharibəni, Səddam Hüseynin ölümünü, Helmut Kolun, Yevgeni Primakovun, Viktor Çernomırdinin istefaya getməsini dəqiqliklə xəbər vermişdi.
1991-ci ildə Tofiq Dadaşov kütləvi informasiya vasitələri ilə cəmiyyət qarşısında o zamanlar hələ çoxlarının yaxşı tanımadığı bir neçə siyasətçilərin xarakteristikasını vermişdi. Yeltsini faciəvi fiqur kimi səciyyələndirmişdi, şəxsiyyət mənasında deyil, o mənada ki, onun arxasında faciələr zənciri yaranacaq. Jirinovskiyə fırıldaqçı xarakteristikasını vermişdi. Rıjkovu ləyaqətli adlandırılmışdı. Bakatini etibarsız. Dadaşov 1995-ci ildə general Lebedin populyarlığı haqda xəbər vermişdi, lakin qeyd edib ki, onun partiyası seçkilərdə uduzacaq. Həmin ildə parapsixoloq bildirib: "Yeltsin prezident olacaq, amma mən onu hakim görmürəm". Boris Nikolayeviçin xəstəliyi barədə Dadaşov onda heç nə bilmirdi.
Mehriban insanlar arasında
Dadaşov etiraf edir ki, elmin köməyi ilə öz fenomenal intuisiyasının izahını verə bilmir və eyni zamanda, bu fenomeni öyrənməyə çalışan, elmi çərçivəyə salmaq və izahını vermək istəyən alimlər haqda gülümsəyərək, zarafatla danışmağı sevir. O, öz bacarığına kifayət qədər sakit yanaşır, öz vəzifəsini başa düşərək, dövlətə, cəmiyyətə ayrı-ayrı insanlara kömək etmək, mümkün qədər çox xeyirxah və faydalı olmaq haqda düşünür. Özünün dediyi kimi: "Əsas məsələ, mehriban və gülərüzlü insanlararın əhatəsində olmaqdır, onda hər şey yaxşı olacaq".
