“Ermənistanın silahlandırılması bütün Cənubi Qafqaza yönəlik dağıdıcılıq siyasəti deməkdir”.
Bunu Moderator.az-a açıqlamasında hüquqşünas Qulamhüseyn Əlibəyli bildirib. Hüquqşünas qeyd edib ki, Ermənistanın sialhlandırılması Cənubi Qafqazda sülh və təhlükəsizlik üçün ciddi təhdiddir:
“Ermənistanın silahlandırılmasının sülh üçün ciddi təhdid təşkil etdiyi, bütün regionun təhlükəsizliyini sual altına qoyduğu birmənalıdır. Ermənistana verilən bu silahlar arasında ölümcül, yüksək dağıdıcılıq qabiliyyətinə malik silahların mövcudluğu məlum prosesin özünmüdafiə məqsədinə xidmət etmədiyi, hansısa məkirli niyətlərə hesablandığını göstərir. Bu mənada Prezident İlham Əliyevin Ermənistana xəbərdarlığı tamamilə haqlı və yerindədir.
Hesab edirəm ki, Ermənistan bu xəbərdarlıqdan nəticə çıxarmalı, sürətli sialhlanma prosesindən imtina etməlidir. Əks halda, bunun nəticəsi Ermənistanın özü üçün acınacaqlı olacaq”.
