Xəbər verildiyi kimi, Azərbaycan Respublikası Prezidentinin tapşırığına əsasən, Prezident Administrasiyasının təşkilatçılığı ilə martın 17-də 50-yə yaxın siyasi partiya rəhbəri və bir sıra politoloq işğaldan azad olunmuş Ağdam rayonuna səfər edib.
Həmin diqqətəlayiq ziyarətin iştirakçılarından biri olan Ana Vətən Partiyasının sədri, deputat Fəzail Ağamalı “Həftə içi” əməkdaşı ilə söhbətində səfər təəssüratları ilə yanaşı, erməni məsələsinə baxışlarından, işğaldan azad yurdlarımıza Böyük Qayıdışla bağlı ümidlərindən və s. bəhs edib.
- Fəzail bəy, yəqin ki, siz sovet dövründə də, 1-ci Qarabağ savaşı zamanı da Ağdamda olmusunuz. Budəfəki səfərinizdə o günlərin Ağdamını yerində görməyəndə hansı hissləri yaşadınız?
- Bəli, o illərdə gördüyümüz Ağdamı yerində görmədikdə çox ağır hisslər keçirdik. Bir daha erməni faşizminin iyrənc simasını, erməni vandallarının törətdiyi bəşəri cinayətlərdən birini də öz gözlərimizələ gördük... Gəldiyim qənaət bundan ibarətdir ki, ermənilər özlərinin dediyi kimi, “qədim, mədəni millət”, “xristianlığı birinci qəbul edən bir xalq” deyillər. Onlar, sadəcə, vəhşi bir tayfa, qəbilədirlər. Dünyanın heç bir yerindəki heç bir savaşda bu dərəcədə vəhşilik, rəzillik, vandallıq törədilməyib. Hətta II Dünya müharibəsində faşist Almaniyası indiki Sankt-Peterburq şəhərini mühasirəyə alanda o şəhərin tarixi abidələrini məhv etməmək üçün oraya birbaşa hücum etmədi, oranı bombardıman etmədi, sadəcə, uzun müddət mühasirədə saxladı. Halbuki, Hitler də həmin şəhəri təyyarələrlə, artilleriya ilə alt-üst edə bilərdi...
Ağdam xarabalıqları arasında çox ağır, həm də qeyri-adi hisslər keçirir və düşünürdüm ki, uzun illərdən bəri Azərbaycanda, qardaş Türkiyədə soyqırımlar törədən, tarixi abidələrimizi yerlə-yeksan edən, təbiətimizə od vuran bu işğalçı, terrorçu erməni vandallarına Qarabağdakı, Ermənistandakı adi ermənilər nədən öz etirazlarını bildirmirlər. Deməli, belə çıxır ki, elə bu adi ermənilər də özlərinin üzdəniraq qəsbkar, terrorçu, faşist xislətli iqtidarları, rejimləri, vandalları ilə həmrəy, bərabərdirlər... Belədirsə, biz onlarla qonşu olaraq necə yaşaya bilərik? Onlar bizim torpaqlardan birmənalı olaraq rədd olub getməlidirlər. Və getsinlər. Bu, şəxsən mənim mövqeyimdir. Onlarla qonşuluqda yaşamaq mümkün deyil...
Təsəvvür edirsiniz, Ağdam yaxınlığında 6 min nəfərlik Şəhidlər xiyabanı yerlə-yeksan olunub, şumlanılıb, qəbiristanlığın yerindən yol çəkilib, cəsədləri çıxarıb yerinə taxıl əkiblər. Təxminən, 1-2 km yuxarıda isə keçmiş Əsgəran rayonunun ermənilər yaşayan bir kəndi var. Yəni bu, göstərir ki, hər şeyi bunlar edib. Məhz o kənddəkilər eləməsələr də, ən azı, bütün bunlar onların gözünün qarşısında olub...
Prezident İlham Əliyev Qarabağa səfərlərində dəfələrlə ermənilərin çox düzgün bir xarakteristikasını verərərək deyir ki, bu torpaqlardan sanki ən vəhşi, ən yırtıcı xislətli bir qəbilə keçib. Həqiqətən, onlar qəbilədirlər...
Əminəm ki, Azərbaycan xalqı bu erməni vəhşiliklərini heç zaman unutmayacaq. Ermənilər də cənab Ali Baş Komandanın cəmi 44 gün ərzində başlarına endirdiyi “dəmir yumruğ”u unutmayacaqlar. Və əmin olsunlar ki, həmin “dəmir yumruq” daim onların başı üzərində olacaq...
- Ağdamda olarkən sizdə belə bir ümid də yaranmadı ki, tezliklə sizin də vaxtilə ermənilərin işğal etdiyi doğma Zəngəzurunuzu, Qarakilsənizi də ziyarət edəcəyik?
- Sizə deyim ki, məndə belə bir ümid hələ Ağdama getməmişdən öncə yaranıb. Şuşa, sonra da Laçın işğaldan azad ediləndən sonra sosial şəbəkədə bir statusda yazdım ki, Şuşanın, Laçının azad edilməsi ilə bağlı mən digərlərindən fərqli olaraq daha çox sevinirəm. Ona görə ki, doğulduğum Qarakilsə mahalının dağlar köksündə yerləşən doğma Şıxlar kəndimə Bakıdan gedən qısa yol məhz Şuşadan, Laçından keçir. Laçın – Qarabağla bərabər Zəngəzurun da qapısıdır. Laçın bizdədirsə, mən də əminəm ki, inşallah, yaxın zamanlarda Zəngəzur da bizim olacaq. Bu halda ermənilər Qərbi Azərbaycanda qalıb adam kimi sakitcə yaşamaq istəsələr, biz onlara Azərbaycanın tərkibində bir mədəni-milli muxtariyyət təklif edə bilərik. Elə etməliyik ki, gələcəkdə ermənilər heç bir halda bir daha “Artsax”, “miatsum” şüarları, “Böyük Ermənistan” xülyalarıyla meydanlara çıxmasınlar. Onsuz da tarix onların cəzasını verir. Harada olublarsa, onlar həmin ölkəyə, xalqa qarşı nankorluq, namərdlik edə-edə gəlib bu günə çıxıblar. Bizans imperiyasından, Osmanlı sultanlığından, Türkiyədən, Rusiya imperiyasından Azərbaycana qədər... Şükürlər olsun ki, bütün bu xəyanətlərin cəzasını cəmi 44 gün ərzində bizim müzəffər Ali Baş Komandanımız və igid, qorxmaz əsgər və zabitlərimiz verdi, artıq bitdi erməni məsələsi. Birdəfəlik tarixin zibilliyinə gömüldü. Azərbaycanın bu qələbəsindən kökünə qədər sarsılmış erməni etnosunun isə gələcəkdə mövcud olub-olmayacağı da artıq ciddi sual altındadır...
- Bəzi partiyalar Ağdam səfərindən imtina etdi. Buna münasibətiniz necədir?
- Münasibətim çox mənfidir. Onların bu torpaqda yaşamağa haqqı yoxdur. Əgər bu gün onlar gedib işğaldan azad edilmiş torpaqlarımızı və o yurdlarda ermənilərin törətmiş olduğu vandalizmi öz gözləri ilə görməkdən imtina edərək Azərbaycan xalqı ilə bərabər olmurlarsa, o torpaqlara ayaq basmağı özlərinə rəva görmürlərsə, şəhidlərin qanı ilə yoğrulmuş o torpaqlar önündə səcdə edib o yurdları müqəddəs bir varlıq kimi dəyərləndirməyi bacarmırlarsa, onların Bakı şəhərinin küçələrində də yaşamağa haqları yoxdur...
- Fəzail bəy, elə teleekranlardan da Qarabağın xaraba qalmış ucsuz-bucaqsız yurdlarını, xüsusən də Ağdamı seyr edəndə ilk baxışdan adamı bir xof basır ki, görəsən, bu qədər viranə şəhər və kəndlərimizi necə bərpa edəcəyik? Buna gücümüz çatacaqmı? Ağdam xarabazarlarını yerindəcə görəndə sizdə də belə hisslər oyanmadı ki?
- Xeyr, çünki qəti əminəm ki, Azərbaycanın bütün mənalarda böyük imkanları və geniş potensialı var. Siz yəqin ki, cənab Prezidentin işğaldan azad edilmiş torpaqlarımızı ziyarətləri zamanı çıxışlarına diqqət edirsiz, onun ermənilərə, dünya ermənilərinə, eyni zamanda onları himayə edən dövlətlərə söylədyi mesajları da eşidirsiz. Cənab Ali Baş Komandan hər zaman olduğu kimi, indi də dediyi sözlərin arxasında dayanıb. Prezident 2003-cü ildən bəri dəfələrlə dedi ki, biz işğal altında torpaqlarımızı ya sülh, ya da hərb yoluyla mütləq azad edəcəyik və gördüyünüz kimi, bunu etdi. Bu gün cənab Prezident deyirsə ki, biz bu torpaqları abadlaşdıracağıq, dünyanın ən cənnət guşələrindən birinə, “ağıllı” şəhərlərə, kəndlərə çevirəcəyik, deməli, bunu da edəcəkdir. Onu da unutmayaq ki, Azərbaycanın 50 milyarda yaxın valyuta ehtiyatları, yetərli qədər maliyyə potensialı və resursları var. İqtisadiyyatımız ildən-ilə güclənir, inkişaf edir. Düşünək ki, 2020-ci ilədək Azərbaycan həmin potensialı işğala məruz qalmış ölkə kimi əldə edibsə, bu gün qalib ölkə kimi bu potensial hansı sürətlə artacaq. Eyni zamanda dünyanın 2020-ci ilədək Azərbaycana olan münasibəti ilə 2020-ci ildəki şanlı qələbəmızdən sonrakı qalib bir ölkəyə olan münasibətinin fərqini göz önünə gətirsək, tam əminliklə deyə bilərik ki, tezliklə, yaxın 5 ildə, Böyük Qayıdış həyata keçiriləcək. Yəni işğaldan azad torpaqlarımız bərpa olunacaq və keçmiş köçkün vətəndaşlarımız orada ən yüksək səviyyədə həyatlarını quracaqlar...
Yeri gəlmişkən Azərbaycan xalqını, xüsusilə keçmiş məcburi köçkünlərimizi bu günkü, ötən 30 ildəkindən tamamilə fərqli olan bu Qarabağlı, Şuşalı, Laçınlı, Kəlbəcərli, Ağdamlı... Novruz, Bahar bayramı münasibətilə təbrik edir, bütün torpaqlarımızda, o cümlədən Qarabağda xoşbəxt, sağlam, firavan bir həyat arzulayıram...
